262 REFORMATIONIS STATUTORUM CAPITULI»

D i s c e p t a t i o s i n ó p t i c a .

Nonnullae animadversiones, prout moris est, ex officio factae sunt : animadversum est triplicem esse quaestionem, quarum prima respiceret statutorum reformationem quoad chori frequen- tiam, altera distributionum fundum, tertia denique absolutionem ab omissionibus.

Quoad primam animadvertebatur, praecipuum Canonicorum munus esse , ut in choro integrum Divinum officium reci tent; Clement, cap. i de celeb. Missar. ubi iuxta sacros Canones prae- scriptum habetur: In Cathedralibus, Regularibus, et Collegiatis ecclesiis horis debitis devote psallatur. Item in cap. Dolentes, eod. tit. legitur: districte praecipientes in virtute obedientiae, ut Divi- num officium nocturnum pariter et diurnam, quantum eis dede- rit Deus, studiose celebrent et devote.

Tridentinam autem synodum sess. 24 c. 12 de Refor. nihil antiquius habuisse, quam assiduam chori frequentationem Ca- nonicos iubere, ita ut neque statutum neque consuetudinem in- debitae absentiae patrocinan posset.

Benedicto XIV. teste, de syn. I. 13 c. 9, Apostolicae Sedis iudicia nunquam Canonicorum intentioni suffragata esse, qui ad has vel illas canonicas horas teneri se non putarent etiam ex tenuitate reddituum ; eorumque Episcoporum zelum S. Sedem maxime commendasse, qui sese opposuerint Canonicis id con- tendentibus.

Cum autem unica dubitandi ratio a Canonicis de quibus agi- mus reponeretur in confirmatione statutorum ab Apostolico Subdelegato; observabatur, Apostolicam confirmationem, vim i l - lam, quam Canonici contenderent, tribuere, quando confirmatio a Summo Pontifice prodeat ex certa scientia et causae cogni- tione, ut non semel factum est.

Quin imo vulgatum esse iuris principium, liberum non esse Mandatario seu Delegato aut Subdelegato fines mandati excedere: commissum autem fuisse Subdelegato statuta capitularia confir- mare iuxta Litteras Apostolicas, idest, statuta, quae essent li- cita atque honesta et sacris Canonibus, Constitutionibus Aposto- licis Decretisque Concilii Tridentini minime adversantia: obsi- stere autem praedictis capitularibus statutis sacros Canones: