262 Neapolitana

altari conderentur, inclytum eius caput a reliquo corpore divi- sum pretiosa auro argentoque theca clausum est, atque quo tannis publicae venerationi expositum solemni S. Nostriani commemorationis die.

Ab eo autem aevo S. Episcopi cultus eximio caeremonia- rum splendore augeri coepit. Etenim sacri eius corporis inven- tionis memoria a pia septuaginta duorum Sacerdotum socie- tate quotannis stata die recolebatur cum proprio Officio et Missa, accedente splendidissima pompa atque innumero populi concursu. Translata autem posteriori tempore ad S. Michaelis Ecclesiam ea- societate, licet imminutus fuerit solemnitatis splendor, quo S. Nostriani memoria recolebatur; tamen S. An- tistitis cultus minime desiit: imo et in S. Ianuarii templo inte- ger permansit, et in sacram Michaelis aedem piae illius unionis opera invectus fuit. Pia enim societas pretiosa capitis S. No- striani reliquias, quas secum tulit aurata theca reclusas, solet quotannis super aras exponere una cum simulacro in capite radiis micante.

Praeter haec, alia ultimo loco Defensor adducit publicae venerationis argumenta, quae tum praeteritam tum nostram hanc etiam aetatem attingunt. Praecipua autem sunt sequentia: fervidae preces ad S. Nostriani patrocinium in publicis calami- tatibus invocandum adhibitae; inducta S. Nostriani utpote cae- lestis patroni commemoratio in supplicibus pii sodalitii septua- ginta duorum Sacerdotum precibus; solemnes supplicationes, quibus S. Antistitis reliquiae per frequentissimas urbis vias transvehi consueverunt in publicis fidelium necessitatibus ; simulacra S. Episcopi, quorum unum in Diaconia S. Ianuarii ad ultimum, alterum vero in cathedrali ecclesia inter Sanctos illius sedis Episcopos veneratur; imagines tandem cum radiis et splendoribus ab anno 1874 piae S. Michaelis societatis opera impressae innumerisque exemplaribus penes fideles dif- fusas.

Nil igitur mirum, concludit Defensor, si S. Sedes tanto publici cultus splendore innixa elapso saeculo supplicem memo-