269. De s. Ivone Trecorensi.

la. Clangat et

exsultet ecclesia, quia
eius sponsus hodie
suscepit in gloria

1 b. Ivonem,

confessorem de Britannia,
nostris temporibus cum
tota sua curia.

2 a. Quem Christus
tantum adamavit,
quod scientia
multa perornavit
[eum] modernis temporibus,

2 b. Ut suos

pauperes oppressos
defenderet et
ecclesiastica
gubernaret suis viribus.

3 a. Qui, cum in scientiae
margarita desudasset
atque studium
dimisisset,
pro pauperum certamine

3 b. Ipse desideriis

totis multum laboravit

et vocem suam

exaltavit

pro horum liberamine.

4 a. Ad officium commune
cum instantia
exstitit,postea
assumptus pro
salute fidelium:

4 b. In quo tunc legitime et
sine alicuius
gravamine ius
unicuique
reddebat debitum.

5 a. Quos in lege Dei
instruebat
et assidue
verbis divinis
ipsos imbuebat,

5 b. Et incarceratos
confortabat
noctuque die
atque pro ipsis
Deum exorabat.

6 a. Tandem cum ad
curam populi
destinatus esset
atque misericordiae
opera complevisset

6 b. Et pauperes
atque debiles
pro Deo fovisset
et contemplationi se
continuo dedisset,

7 a. Ipse Deus

mortuos et mortiferos
(pro) ipsius
meritis reddidit
plures liberatos,

7 b. Et non solum
ante dissolutionem
ipsius,

immo et post clemens
restauravit illos

8 a. In tantum, quod
eius tumba maxime
honoratur

a fidelibus et devote
frequentatur ;

8 b. Ubi suis

precibus invocantes

audiuntur,

et ab eo miracla illis

impenduntur.

9 a. Propter quod ipsum
deprecemur humiliter,
ut pro nobis
insistat incessanter,

9 b. Ut in hac valle
miseriae nos adiuvet
et in mortis
agone nos liberet.