259.

1. O regina, lux divina,
O formosa plus quam rosa,

Nobis, quaeso, rogita

Sensusque nostros visita,
Ora Deum. salva reum

In gloria,
Consolando, visitando,

Ne scoria
Peccati lati dati fati

Nos demergat lividi,
Sed nato dato grato fato

Summis detur adjici.
O trinitatis speculum,

Castitatis via,
Pro nobis, spes humilium,

Eora natum pia
In sempiterna.

2. O Maria, mater pia,
O benigna, laude digna,

Plena Dei lumine,

Fulgens divino numine,
Me dignare te laudare,

Sanctissima,
Verbis dignis sanctis hymnis,

Castissima,
Et psalmorum tibi dulcorum

Carmina da promere,
Ne nos illorum reproborum

Sarcinemur onere,
Sed nobis coeli gloria

Per te sit allata
Tua prece, Maria,

Sanctis associata
In sempiterna.

3. O praeclara, Deo cara,
O serena, Deo plena,

Votis nostris annue

Et nos a malis erue,
N^ nos tangat neque frangat

Inferni crux,
Hostis ictus ac conflictus

Arverni dux,
Tua prece munda faece,

Nos sordibus salvifica,
Maris stella, Dei cella,

Quae mater es deifica,
Precantes te suppliciter

Intuere dia,
Virgo mater, Maria,

Pro nobis ora, pia,
In sempiterna.