WLADISLAVIEN. 263

Infelicissimo tamen exitu ; quoniam paulo post discordiae et dissidia, quae in dies maiora facta sunt, coniugalem torum funestarunt. Huius rei causa, iuxta virum, fuit indolis utrius- que diversitas et coniugalis commercii discordia; si vero mulierem audias, id ex viri impotentia provenit; quippe quia cum actus maritales identidem, sed irritis inhonestisque conatibus tentare hic vellet, semel atque iterum in gravem infirmitatem uxorem adduxit ; unde tandem haec post annum et dimidium virum fugit, et paulo post, Novembri mense anni 1881, matrimonium ex capite impotentiae impugna- vit, illudque dissolvi a curia Wladislaviensi-Calissiensi petiit.

Eiusmodi precibus annuens ecclesiasticus iudex, actricem et reum iudicialiter excutit, deinde eorum corpora inspici iubet. Atque ideo duo medici Iosephus Rymarkiewicz et Bronislaus Wojciechowski primum per se ipsos viri corpus examinarunt, et dein per tres obstetrices a tribunali electas riteque edoctas mulierem de more recognoverunt. Tres alii medici successerunt qui viri corpus iterum, atque seorsim a prioribus, de tribunali mandato viderunt. At peritorum iu- dicium concors non fuit; de quo infra fusior erit dicendi locus. Sextus quoque medicus adfuit D. Zarewicz, qui scri- pto testimonio edixit, se « Stanislaum Bojarscki impotentia virili laborantem per longius tempus curasse. » Et paullo post supplens iam exhibitum testimonium - testatus est - « Sta- nislaum impotentia virili iam ante matrimonium contractum laboravisse, et ex morbi decursu coniicio impotentiam hanc insanabilem esse. » Ac demum quinque testes ab actrice propositi auditi sunt qui tamen de impotentiae causa nil re- tulerunt, sed tantummodo de sponsorum discordiis.

His autem habitis consistorium "Wladis'aviense-Calissien- se sententiam tulit die 30 Iunii 1882, quae tamen fuit actrici adversa, et matrimonii confirmatrix; unde mulier appellavit ad metropolitanam curiam Varsaviensem; Sed et haec mulieri suffragari non potuit, imo decreto diei 19 Maii 1884 iudicium primae instantiae ratum in omnibus habuit.