COLONIEN. 263

supponit et eadem manu sinistra tamen partes huiusmodi super patenam inter pectus et calicem. - Rubrica ».

« Orator patenam intra indicem et medium digitum in- terponere omnino nequit, quia index cum reliquis digitis prorsus concretus et coniunctus est ».

« Patenam tenet orator tali modo, ut ipsam inter pol- licis latus ulnare et metacarpi latus radiale collocet; potest etiam, dum patenam sic tenet, ambas hostiae partes super- positas simul inter pollicem et indicem tenere, ita tamen, ut supra patenae marginem prostent ».

« 4) In distributione SS. Communionis infra mis- sam et in purificatione Ciborii eadem oritur difficultas. - Orator disiungit pollicem ab indice, ut calicem teneat, vel ciborium ».

« Experimento igitur compertum est, oratorem cunctas s. Sacrificii caeremonias rite et secundum rubricas peragere non valere. - Quodsi a stricte rubricarum observatione di- spensari possit, fatendum videtur, possibilitatem sacrificii offerendi adesse ».

« Curationem vero deformitatis, qua orator laborat, se- parationem scilicet indicis a ceteris tribus digitis operatione chirurgica, in ea qua nunc orator versatur aetate, fieri posse, medici negant ».

« Observandum adhuc videtur, oratorem, si dispensatione obtenta ad sacrum presbyteratus ordinem promovendus foret, nec iactum hostiae, patenae et calicis modo a rubricis prae- scripto perficere posse ».

« Episcopus tradit cuilibet ordinando calicem cum vino et aqua et patenam superpositam cum hostia et ipsi illam accipiunt inter indices et medios digitos, et cuppam calicis et palmam simul tangunt.- Rubrica ».

« Orator tantum manu dextera cuppam calicis et patenam simul tangere potest; sinistra vero solam patenam cum ho- stia, quin simul tangat calicem ».