260. In Translatione s Kannti ducis.

1 a. Salve, martyr alme,

salve, tu iam caeligena,

1b. Salve, angelorum

felix, Kanute, collega.

2 a. Cuius virtutum insignia

late perornant climata,

2 b. Per te omnipotentissima

Iesu quae monstrat gratia.

3 a. Nam pro Christo terrea

cum amisisti gaudia,

3 b. Sempiterna nancisci

meruisti tripudia,

4 a. Dum mundi tollentis

in cruore crimina

stola laetaris

inttincta amictus

purpurea

4 b. Et immaculati

iugiter vestigia

agni sectaris,

martyrum phalange

consortia.

5 a. Hinc perfidorum

cruciantur agmina,

5 b. Quae ad aethra te

transmisere nescia.

6 a. Nam lingua quidem inopia

Morsu horrendo

praecisa.

6 b. Quidam rimantes

flumina

Stygis petiere barathra.

7 a. Sed lux alma,

[de supernis

in te] ex arce missa

caelica,

7 b. Te declarat

cum collegis

infula exornatum

rosea.

8 a. Hinc constricta

restituta

vir exsultat dextera,

Atque mutus libera

gaudet depromens famina;

8 b. Plaudit caecus lumina

sum, ens claudus vestigia,

Et obstructae

captant aures,

mirantur eloquia.

9 a. Eflorescit nitida

cutis pridem laxarica ;

9 b. Febris fugit tremula

salutis ob remedia.

10 a. Sed aeterna pignora

qua cum levantur inclita

10 b. Redemptoris opera

illucescunt mirifica.

11a. Nam vis admissa flammea

mox oboedit incendia,

Et intacta manent ossa

velut nix candidula.

11b. Hinc resultet Alleluia

voce plebis altisona,

Admiranda gratuletur

excolens magnalia.

12 a. Et condigna vivus petit

hostis amens incendia

Voce citus perhorrenda

ad ardentia tartara.

12 b. Eos ergo prece sedula

tua precamur munia,

Ut per te nunc peccamina

nostra solvat clementia,

13. Quae salvare venit omnia.