253. (4.) Prosa de sancta Maria.

la. Orbis totus,
Unda lotus

Christiani lavacri,

1b. Ad Mariam,
Matrem piam,

Voce clamat alacri:

2 a. Matrem illam,
Quae mamillam
Praebuit altissimo,

2 b. Collaudemus,
Decantemus

Cantu iucundissimo.

3 a. Mater Dei,
Per quam rei

Redeunt ad veniam,

3 b. Seda diram
Clemens iram

Ac refunde gratiam.

4 a. Hostes arce,
Servis parce

Tibi famulantibus

4 b. Et felicem
Genetricem

Dei te fatentibus.

5 a. Sis adiutrix,
Dei nutrix,

Christiani populi,

5 b. Cuius votis
Ad te totis

Diriguntur oculi.

6 a. Natum ora
Et implora,

Ne plebs eius pereat,

6 b. Sed ductrice
Genetrice

Te ad vitam redeat.

7 a. Die, die ei:
Fili Dei,

Sed et meus unice,

7 b. Nate meus
Atque Deus,

Exorantem respice.

8 a. Recordare,
Quis et quare

Matrem habes virginem,

8 b. Causa nota
Est et tota,

Ut salvares hominem.

9 a. En, ancilla,
Cuius stilla

Te lactavit parvulum,

9 b Per hanc audi
Et exaudi

Te colentem populum.

10 a. Memor esto,
Quando maesto
Blandiebar osculis

10 b. Teque flentem
Vel ludentem

Nutriebam saeculis.

11 a. Hac spe ducta
Nec seducta

Te ut natum alui

11b. Et orando,
Venerando

Sicut Deum colui.

12 a. Ergo, fili
Puerili

Deum tegens tegmine,

12 b. Quem fovebam,
Quem mulcebam

Latentem sub homine,

13. Exaudias pro hac familia,
Oro mater matris fiducia.