Sermo III .

Fluvius egrediebatur de loco voluptatis ad irrigandum paradisum, qui inde dividitur in quatuor capita, Genesis secundo .

Sacra Scriptura manifestat nobjs diffusionem sancti Spiritus in Ecclesia hodie commemoratam sub methaphora fluvii tripliciter, scilicet quantum ad modum emanandi per nomen fluvii scaturientis, qui est ipse Spiritus: quantum ad principium emanationis per nomen loci voluptatis, qui est Pater et Filias spirantes ipsum Spiritum ad voluptatem principalissimam ; quantum ad receptaculum emanati per irrigationem paradisi, qui est ipse ecclesiasticus coetus.

Circa primum, ut innotescat huius diffusionis , modus, nota, quod egressus est hodie Spiritus sanctas a Patre et Filio in Apostolos sicut fluvius vivi-diis per virtutis indeficientiam, qua confortavit: sicut fluvius candidus vel splendidus per sapientiae refulgentiam, qua ditavit: sicut fluvius igneus per caritatis inardescentiam, quia inebriavit.

De primo, Psalmus : Fluminis impetus laetificat civitatem Dei ; sanctificavit tabernaculum suum Altissimus.

De secundo, Apocalypsis ultimo: Ostendit mihi Angelus fluvium aquae vitae, splendidum tanquam crystallum, procedentem de sede Dei et Agni.

De tertio, Danielis septimo: Fluvius igneus rapidusque egrediebatur a facie eius.

Circa secundum nota, quod Filius cum Patre dicitur locus voluptatis, quia ab ipso sunt omnia oblectamenta, quia in ipsum tendunt et requiescunt omnia desideria, quia per ipsum veniunt omnia bona.

De primo, Psalmus : Deus in loco sancto suo ; Deus, qui inhabitare facit unius moris in domo etc. Mons Dei, mons pinguis.

De secundo, Ioannis quarto: Ierosolymis est locus, ubi adorare oportet.

De tertio, Ezechielis tertio: Benedicta gloria Domini de loco suo.

Circa tertium nota, quod paradisus irrigatus dicitur Ecclesia, vel anima sancta, quia est locns scaturitionum permanentium per charismata gratiarum: Canticorum quarto : Emissiones tuae paradisus malorum punicorum.

Quia est locus arborum pomiferarum per exercitia virtutum ; Genesis secundo: Dominus Deus plantavit paradisum

voluptatis a principio. - Quia est locus habitationis virorum deiformium per spectacula aeternorum: Ecclesiastici quadragesimo: Gratia sicut paradisus in benedictionibus, et misericordia in saeculum permanet.