QUAESTIO UNICA.

Utrum intentio sit actus voluntatis circa finem ultimum ?

Alens. 2. p . q. 106. m . I. 2. et 3.D. Thom. I. 2. g. 12. art. 2. et hic q. I. a. D. Bonav. a. 2. q. 2. Richard. art. 3. q. 2. Durand. q . 2. Gabr. q. I. Vasq. I. 2. disp . 40. Scot. hicin Oxon.

Circa distinctionem trigesimam octavam quaeritur : Utrum intentio sit actus solius voluntatis respectu finis ultimi ? Quod non. Secundo Physic. text. 49. Omne agens per se agit propter finem ; agentia naturalia sunt agentia per se ; igitur talia tendunt in finem ; non igitur sola voluntas.

Item, Augustinus 12. de Trinit. cap. 2. Non est visio distincta sine intentione copulante ; visio non est actus voluntatis ; igitur intentio potest esse ipsius intellectus.

Item, Matth. 6. Si oculus tuus simplex fuerit, totum corpus lucidum erit. Lumen pertinet ad intellectum ; igitur intentio non est solius voluntatis.

Item, si esset solum respectu finis ultimi, non esset respectu alterius. Consequens est falsum, quia voluntas intendit finem propinquum, et non solum ultimum. Praeter hoc, eodem actu vult finem, et ea quae sunt ad finem.

Oppositum, Magister in littera dicit quod multa volumus, propter quae alia volumus.