264 WLADISL AVIEN.

Haud tamen animo fracta mulier, per Archiepiscopum varsaviensem ad S. C. C. quasi ad tribunal tertii gradus provocavit, sed rescriptum fuit die 4 Iulii 1885, non esse locum appellationi. Iterum per eumdem Praesulem insistens rogavit, ut instantia sua per modum querelae admitteretur, et ut « iudicio episcopali primae istantiae suppletoria in- structio causae, eaque peracta, nova eiusdem iudicialis dis- quisito demandetur. »

At die 29 Maii 1886, rescribi placuit: « Lectum ad in- stantiam; et quatenus oratrix minime acquiescat R. B. De- fensori matrimonii ex officio pro voto. » Et revera, non acquiescente muliere, tandem ex audientia SSmi diei 27 Iu- nii 1887 hoc prodiit decretum: « Attentis etc., Episcopo Calissiensi, qui praevia confectione novi processus, tam su- per non sequuta matrimonii consummatione, quam super cau- sis dispensationis servata forma const. Benedicti XIV Dei miseratione, cum facultate etiam subdelegandi etc., de re- sultantibus certioret et processum transmittat ad S, C. >

Exinde "Calisii iterum processus instructus e s t , iterum audita est mulier, iterumque etiam vir, qui insuper spopon- dit suos septimae manus testes fore iudicaturus. At in po- sterum neque hoc fecit, neque, licet legitime citatus ad no- vam corporalem inspectionem subeundam, amplius comparuit; unde contumax renunciatus a iudice fuit.

Mulier vero suos testes proposuit; quorum nonnulli Calisii, duo vero, ex subdelegatione, Cracoviae interro- gationem subierunt. Hos inter fuit medicus ille Zarewicz, qui in primo processu testimonium suum in scriptis trans- miserat.

His actis, Episcopus Calisiensis processum Romam misit una simul cum suis litteris quas ita concludebat: « Quoad me vero spectat ad illam deveni persuasionem allegatas causas veras esse, nec non actricem mereri quatenus super matrimonio suo cum Stanislao Bojarski contracto a SSmo Principe dispensationem obtinere queat. »