264 COLONIEN.

Disceptatio synoptica

DISPENSATIO DENEGANDA VIDETUR. Dispensationi plura obstare videntur. In primis in ipsa S. Ordinis susceptione ss. caeremoniis Orator satisfacere non valet, quia nec « ia- ctum hostiae, patenae et calicis modo a rubricis praescripto perficere » posset.

Sacra facturus vero Ioannes non valeret infra missam fidelibus Sacram communionem administrare, quod praeter- mittere, est ab Ecclesiae spiritu apprime alienum, uti docet Trid. Concil. Sess. 13 c. 6.

Praeterea in ipso Veteri Testamento ne altari inservi- rent, maximo studio arcebantur qui notabili corporis defectu laborabant. Eo magis hoc servari debuit in Novo Testamento ; quare defectus irregularitatum in ipsa Canonum apostolico- rum collectione reperiuntur sedulo constituti. Postea irre- gularitatis casus taxative et rigide fuerunt determinati adeo ut dispensatum fuerit tantum pro iam promotis ad Ordines ne « afflictis afflictio adderetur ». Nihilominus in cap. II De clerico aegrotante missae celebratio presbytero interdici- tur cui duo digiti cum medietate palmae a praedone fuerant abscissi. Et S. C. C. in Burgen, die 24 Ianuarii 1864 dispensationem denegavit cuidam Ioachim De Zayas qui ob adustionem tendines pollicis et indicis dexterae manus con- tractos habebat, quique dimidia tantum parte phalangis utriusque digiti carebat, quamvis magistri caeremoniarum favorabile votum et Cardinalis Archiepiscopi commendatio precibus accederet.

DISPENSATIO INDULGENDA VIDETUR. Sed contra potius be- nignitati indulgendum esse suadent non parvi ponderis ra- tiones. Cum primis admodum commendati mores Oratoris, eius ingenium et Sacerdotum penuria Dioecesis Coloniensis, quam testantur spectatissimi viri, animum sane movent ad dispensationem elargiendam.

Hanc non videtur omnino prohibere defectus sinistrae manus quo laborat orator Ioannes. Nam in ipsa ordinis sus-