COMMENTARIUS.

(a) Sed aliter dico, etc. Conclusio Doctoris contra Canonistas est, iterantem Confirmationem non incurrere poenam irregularitatis, sicut incurrunt rebaptizantes, quia talis poena in jure canonico non reperitur, poenae autem restringendae sunt ; unde argumentum a simili in materia odiosa et poenali non valet. Doctorem sequuntur Paludanus dist. 7. quaest. 2. Gabriel art. 3. dubio 5. Covarruvias in Clement. Si furiosus, citans Turrecrematam, et alios; solum enim reperitur in Concilio Tarraconensi. Apud Gratianum tamen cap. Qui bis,

de consecrat. dist. 5. quod debeat in Monasterio sub habitu clericali aut regulari, famulatum praestare Deo, sed haec neque omnes obligat, cum sit Concilii provincialis, nec fuit receptum, neque in ipso Concilio habetur. Et eo admisso tanquam jure incurso, ut notat Doctor, magis supponit contrarium, nempe in famulatu Dei ipsum non constitui irregularem, sed posse uti ordine. Accedit quod irregularitas non incurratur nisi in casibus jure expressis, cap. Is qui de sententia excommunicationis, in 6. Hanc sententiam etiam sequuntur moderni, ut Soto, et Suarez. Et haec ad Dei gloriam sufficiant de hoc Sacramento, nam de subjecto, quod attingit Doctor in definitione, non multum occurrit specialiter dicendum, nisi quod sit baptizatus et dispositus ad effectum hujus Sacramenti: de patrino et ritibus, videantur Summistae.

FINIS TOMI DECIMI SEXTI.

JOANNIS DUNS SCOTI

DOCTORIS SUBTILIS, ORDINIS MINORUM,

OPERA OMNIA

EDITIO NOVA

JUXTA EDITIONEM WADDINGI XII TOMOS CONTINENTEM A PATRIBUS FRANCISCANIS DE OBSERVANTIA ACCURATE RECOGNITA

TOMUS DECIMUS SEPTIMUS

QUAESTIONES IN QUARTUM LIBRUM SENTENTIARUM a distinctione octava usque ad decimam tertiam.

PARISIIS

APUD LUDOVICUM VIVES, BIBLIOPOLAM EDITOREM

VIA VULGO DICTA DELAMBRE, 13

R. P. P. JOANNIS

DUNS SCOTI

DOCTORIS SUBTILIS, ORDINIS MINORUM,

QUAESTIONES

IN LIBRUM QUARTUM SENTENTIARCM

cum commentario R. P. F. ANTONII HIQUAEI Hiberni.