SUPER ADSCRIPTIONE 265

temporibus et locis; dum contra nihil eiusmodi reperitur in piis unionibus, in quibus Socii illud tantum propositum sibi ha- bent, ut certa pietatis officia peragendo, vel etiam tantummodo assignatas preces recitando, participes fiant Indulgentiarum, et aliarum spiritualium gratiarum.

Vix tamen promulgato decreto, multi Episcopi, et alii, ipsis Episcopis faventibus, ad s. Sedem confugiendum esse cen- suerunt. Et loquentes de causa piarum Unionum, retulerunt, suo iudicio, bonum earumdem provehi amplius non posse, si vi decreti praesentia personalis pro adscriptionibus requiratur, Iidem etiam addunt in nonnullis casibus certam iacturam et interitum ipsarum piarum Unionum timeri debere, nisi eae vel per modum exceptionis vel per dispensationem ab observantia decreti immunes evadant.

Qui vero petitiones exhibuerunt pro Confraternitatibus pro- prie dictis, quae tamen etiam in dissitis regionibus possunt sibi socios adsciscere, affirmant, stante decreto, iam ex parte iactu- ram praedictarum Confraternitatum contigisse. Quare fere omnes postularunt ut per dispensationem usum adscribendi per litte- ras inveteratam, retinere possint. Perpensis igitur petitionibus, censendum esse videtur, quod causa huius decreti, talia incom- moda evenerunt, quae nedum incrementum piarum Institutio- num impedirent, sed earumdem existentiam in discrimen ad - ducerent.

Memoria etiam repetendum quod iam nonnullae concessione s et declarationes factae sint, praesertim quoad pias Uniones. Per Breve pontificium diei 6 Martii 1879 indultum fuit Piae Unioni, cui titulus - Sain te Ligue du Voeu national- ut in perpetuum absentes inter socios coop ta re tu r . Et Opus Propa- gationis Fidei, per litteras Emi Praefecti diei 18 Iunii 1879, relatum fuit non obstringi hoc decreto. (1)

Hisce praemissis enodanda proposita fuere sequentia

I Utrum decretum diei 13 Aprilis 1878 prohibens inseri-

(1) Habes has litteras Vol. XII pag. 430 har. ephem.