266 Neapolitana

stitisse. Ut enim ex testium depositione colligitur tractu tem- poris celebratio Missae et recitatio Officii in honorem Nostriani defecit ; item lampas quae ad eius sepulcrum collucebat, non est amplius accensa; et ipse Parochus Ecclesiae S. Ianuarii fassus est morem accendendi cereos ante Nostriani statuam in quibusdam anni solemnitatibus a se fuisse servatum, causa servandae symmetriae in apparatu templi.

Equidem testes innuunt etiam nunc extare aliqua cultus indicia in primis in Cathedralis templo, in quo inter alias Neapolitanorum Episcoporum, qui pro sanctis censentur, visi- tur marmorea" Nostriani protomes. Verum huiusmodi statuae extra altare, ac nonnisi ornamenti gratia in templis appositae cultui Servorum Dei adstruendo nihil vel fere nihil valent. Item narrant testes in Ecclesia S. Michaelis, ad quam an. 1729 Pia Sacerdotum Societas saepius memorata se transtulit, die 23 augusti simulacrum Nostriani exponi et nonnullas in eorum conventibus ad illius honorem preces adhiberi. Verum istae preces utpote privatae ad publicum cultum referri nequeunt; ea vero expositio carere dicenda est probata scientia et tole- rantia Ordinariorum; etenim ex Visitationum pastoralium actis quae a tot vigilantissimis Praesulibus ab anno 1729 ad nos usque certo peractae sunt ne verbum quidem allatum videtur quod eandem faciat arguere.

RESPONSIO DEFENSORIS AD ANIMADVERSIONES PROMOTORIS

FIDEI . Defensor ad singula obiectionum capita diluenda acce- dens ita respondet ad primum quod a Fidei Promotore oppo- nitur. Admissa etiam primi Testis opinione, scilicet S. No- striani corpus in Coenobii S. Gaudiosi coemeterio fuisse conditum, hoc est, in uno ex catacumbarum ambulacris, pri- mum venerationis monumentum adhuc haberetur in ipso insi- gniori prae caeteris loco, in quo sacrae exuviae repositae fuere. Etenim, ut Testis tertius magnae in S. Archeologia auctoritatis vir gravibus rationum momentis innixus demon- strat, egregio Antistiti pertinuit Sacellum mira arte depictum cum Altari in quo divina mysteria celebrantur. Quidquid autem