266 CAIETANA

dioecesis vero Oaietae Regni Neapolitani, exposuit : suos antecessores, in paroecia, ceu ex regestis eruitur perantiquis, numquam applicasse missam pro populo in festo s. Visita- tionis, neque in festo Praesentationis B. M. Virginis; qui duo dies in regno Neapolitano sunt de praecepto, in statu Pontificio vero sunt feriales. Praesentem Archiepiscopum in s. Visitatione primo peracta, addidisse libro Missarum pro populo sequens Decretum.

Librum hunc, in quo referuntur Missae pro populo ab Abbate Parochialis Ecclesiae S. Michaelis Archangeli Terrae Valliscursae celebrandae a mense Novembris 1889 tesque ad praesens vidimus et adprobamus. Mandamus autem Abbati, ut calendario dioecesano se conformet quoad Missarum celebrationem pro populo, ne qua omittatur Missa pro populo celebranda; Missasque decem celebret haud adimpletas, nempe die 21 Novembris 1889, die 2 Iulii, 15 Augusti et 21 Novembris 1891, die 2 Iulii et 21 No- vembris 1890, die 2 Iulii et 21 Novembris 1892, et 2 Iulii et 21 Novembris 1893. Latum Valliscursae in prima San- cta Visitatione sub die 30 Iunii 1894. Franciscus Archie- piscopus Caietanus - Vincentius Canonicus Colavolpe Con- visitator - Iacobus Canonicus Niola Secretarius.

Nunc orator pro suae conscientiae tranquillitate, et ne addat onus propriis successoribus novum, expetit ab Aposto- lica Sede an in duobus praedictis diebus teneatur applicare missam pro populo, quod numquam factum fuit.

Archiepiscopus percontatus pro informatione et voto haec reposuit :

Calendarium dioecesanum haberi uti normam sequendam a Clero quoad divinum officium , missarum celebrationem, et ritum ; ita ut nemo e Sacerdotibus dispensari valeat ab hac lege : nunc perspicere non posset, ait Ordinarius, quo- modo orator sese subtrahere possit solummodo pro duobus dictis diebus a Calendario dioecesano , et romanum sequi Ordinem divini officii.

Duos alios, praeter Oratorem, adesse parochos in eisdem