256. (7.) Prosa de sancto Hugone.

1 a. Regis aeterni regia

Sanctum Hugonem hodie

1 b. Recepit cum laetitia

In largo sinu gloriae.

2 a. Nobilis genere,

Sed moribus nobilior
Nihil degenerat,

2 b. Cum Christo vivere

Vult, ut sit generosior,
Christum desiderat.

3 a. Mundum habens in odium,
Purus a pueritia,

3 b. Cluniaci coenobium

Intrat cum Dei gratia.

4 a. Leve Dei onus

Libens sustinuit
Et regulariter

4 b. Cunctis aeque bonus
Cunctis complacuit
Universaliter.

5 a. Rector factus demum
Dicti coenobii

5 b. Cum Bariona remum
Sumpsit remigii.

6 a. Dum est abbas factus,
Coepit ostendere

6 b. Spiritales actus

Verbo et opere.

7 a. Fulgens miraculis
Renovat omnia,

7 b. Patet prae oculis

Praesens ecclesia.

8 a. Ergo prece, qua possumus

8 b. Nos tui servi quaesumus:

9 a. Sancte Hugo,

pater egregie,

9 b. Esto tuae

memor ecclesiae.

10 a. Et quia metum incutit
Et nos undique percutit
Persecutionum gladius,

10 b. Opem confer et operam,
Ne declinet ad vesperam
Religionis radius.

11a. Iam felix felicem cursum
Fecisti, iam regnas sursum
In paradisi gloria,

11b. Per te nobis tribuatur
Pax et ad aperiatur
Regis aeterni regia.