Saera Congregatio Rituum 267

conveniunt. Venerabili Maria Teresia invocata, Soror Maria in morali

instanti sanata fuit, nec amplius in eumdem morbum recidit. Miracu-

lum medentes atque periti sine haesitatione agnoscunt.

II . Soror Maria Caecilia, in saeculo Elisabeth e Comitibus de

1'Estoille, ex eadem religiosa Congregatione, pottiano, quem vocant,

morbo, nempe tuberculari spondylite, fuit affecta, qui morbus latenter a

nonnullis annis eam attigerat, anno autem 1926 ineunte manifeste erupi t,

uti medentes testantur atque radiographicae tabulae commonstrant. Hae

namque quintam cervicalem vertebram fuisse destructam, sextam vero

attactam ostendunt.

Quum morbus in peius rueret, fervidae ad Deum preces ad sanatio-

nem obtinendam, Venerabili Maria Teresia interveniente, effusae sunt;

quas Ipse exaudivit: Soror enim Maria Caecilia, dum Molinis ad urbem

Berk transfertur, ut in quodam valetudinario aptis curis subiceretur,

de repente sanatam se sensit; septingentorum circiter kilometrorum

iter sine incommodo fecit; nullumque morbi symptoma a valetudinarii

medico et in radiographia tum peracta inventum est. Medens tresque

periti ex officio miraculum in sanatione evenisse fatentur.

III . Soror Eleonora Le Clerc, ex Ordine Visitationis S. Mariae, in

saeculo Elisabeth, ab impetiginoso eczemate capitis et aurium graviter

affecta fuerat, quod, a medente, saltem comparate, insanabile fuit de-

claratum. Diagnosim hanc tres periti ex officio confirmant. Iamvero Soror

Eleonora post Venerabilis Mariae Teresiae invocationem, intra duos vel

tres dies sanata perfecte fuit, et in morbum non recidit. Miraculum

itaque cum medente et peritis est agnoscendum.

Super primo miraculo Lutetiae Parisiorum, super altero Molinis,

apostolicae inquisitiones habitae sunt, quarum iuridica vis per decre-

tum S. huius Congregationis die 13 Decembris anno 1922 recognita fuit.

Super tertio, praeter processum auctoritate Ordinaria confectum, alter

Apostolica fuit constructus, quorum validitas die 12 Augusti a. 1933 fuit

recognita.

Hisce praemissis, Antepraeparatoria Sacrae Congregationis Coetus

coram Revmo Cardinali Eugenio Tisserant, Causae Ponente seu Rela-

tore, die 4 Martii anno 1941 habitus est, quem Pra eparatorius coram

Patribus Cardinalibus die 24 Martii anni 1942 sequutus est : Generalis

demum coram Ssmo D. N. die 22 Decembris eiusdem anni, in quo idem

Revmus Cardinalis Relator dubium proposuit discutiendum : An et de

quibus miraculis constet in casu et ad effectum de quo agitur. Revmi

Cardinales, Officiales Praelati Patresque Consultores suum edide-

runt suffragium. Verum Pater Beatissimus suum pandere iudicium di-