Neapolitana 267

sit de praefata eruditorum sententia ac de loco in quo Ecclesia S. Gaudiosi exurgeret, certum tamen est ex testimonio insigni Ioannis Diaconi reliquias Nostriani post eius obitum in Ecclesia esse repositas.

Verum, prosequitur Defensor, non omnes Antistites, uni- versim sed viros heroicis tantum virtutibus illustres sive Epi- scopi essent, sive etiam laici tali sepulcro decoratos fuisse saecuto iv et v ex ecclesiastica constat historia. Exemplum autem Ambrosii, quod ex Ioanne Devoti in contrarium a Fidei Vindice affertur, non est ad rem. Diversimode enim utroque in casu se res habuit ; exuviis quippe S. Nostriani postquam coelestem iam patriam est assequutus memores Neapolitani cives ecclesiastici tumuli honorem tribuerunt : Ambrosius autem adhuc vivens devotionis ergo in Mediolanensi Basilica sepulcri locum concupivit. Attamen Sanctis viris dumtaxat licet laicis, ecclesiastici sepulcri locum tunc temporis fuisse servatum, patet ex reconditis in eodem tumulo SS. Gervasii ac Protasii Mar- tyrum reliquiis, prolatisque ea occasione ab insigni Doctore verbis, « hunc mihi locum praedestinaveram, sed cedo sacris victimis dexteram portionem ». Caetera vero exempla ex eodem Devoti allata, quin rem oppugnent potius confirmant. Ipse enim primum memorat Pulcheriae Augustae ad S. Leo- nem epistolam ; unde constat Flaviani Episcopi Constantino- politani corpus in Basilica Apostolorum fuisse conditum. At quis nescit cuius religionis pietatisque vir Flavianus fuerit, quoique heroicis virtutibus suam sedem illustraverit? Utique subdunt eaedem litterae « in qua consueverant praedecessores episcopi sepeliri ». At quinam hi intelligi possunt, nisi Sancti Mestrophanes, Alexander, Paulus Martyr Maximianus, Pro- culus, totque alii viri insignes, qui S. Flaviano antecessores fuere? Idem autem dicendum de servato in Gallus atque aliis orbis partibus ritu, ut scilicet Episcopi Sanctitate praestantes in templi humarentur.

Quod marmoream vero sedem Nostriano tributam, ex qua Fidei Vindex non videt quodnam erui possit cultus indicium,