LITTERAE 267

nus ad Pontificem Maximum referat, ac in singulos annos ei- dem Pontifici Maximo, descriptionem totius Collegii status lit- teris mandatam exhibeat.

Quo vero facilius et expeditius Cardinalis Patronus suo munere fungi possit, adiutorem ei adiicimus Antistitem Urba- num, administrum ab actis Nostri Consilii negotiis ritus Orien- talis praepositi, qui nomine et auctoritate Praesidis Maronitici collegii, in omnibus quae ministerio eius demandentur, Collegii Patrono operam navet.

Omnia demum quae his litteris Nostris statuimus ac decla- ravimus rata ac firma uti sunt, ita in posterum esse volumus ac iubemus, irritum ac inane futurum decernentes si quid su- per his a quoquam contigerit attentari; contrariis quibuscum- que non obstantibus.

Datum Romae apud S. Petrum sub anulo Piscatoris die xxx Novembris an. MDGGGXCI, Pontificatus Nostri decimoquarto.

LEO PP. XIII.

¥ W ¥

EX S. CONGREGATIONE CONCILII

N I C I E N .

P I I R E L I C T I

Die 25 Iulii 1891. Sess. 23 cap. 18, De reform.

COMPENDIUM FACTI. Ut pauperibus adolescentibus niciensis Dioecesis qui in sortem Domini vocantur ad sacerdotii honorem via facilior pateret, piae sorores Iosepha et Maria Ignatia De la Fuente pensiones aliquas seu, ut ibi aiunt bourses instituere iam ab anno 1869 cogitaverunt. Ad hoc igitur annuum reditum bis mille libellarum initio assignaverant, quo postea usque ad sex millia aucto, sufficiens dos pro quin- decim clericis alendis perpetuo constitui posset.