264. De sancta Katharina.

1 a. Cleri chorus

Exsultans decantet laudes,
Alleluia.

1 b. Katharina

Maxentii vicit fraudes;
Res miranda.

2 a. Oratores superat,
Docet et illuminat
Tamquam stella;

2 b. Manet et sub verbere
Plena Dei munere,
Semper clara.

3 a. Profert sidus radium,
Katbarina gladium
Pari forma,

3 b. Neque sidus radio,
Neque martyr gladio
Fit corrupta.

4 a. Ecce, iam purissimi
Fragrat odor balsami
Valle nostra,

4 b. Cum virtus altissimi
Famulatur virgini
Carne sumpta.

5 a. Agnus, sponsus virginum,
Sponsae pandit gremium ;
Turbatur gentilium
Turba caeca,

5 b. Nesciens propbetico
Ore vel dominico
Tempore vel modico
Haec praedicta.

6 a. Cuius fert oleum
Sanctum mausoleum,
Per quod sanatur
gens misera.

6 b. Nunc, virgo, propera,
Nobis confoedera
Hunc, quem genuit
puerpera.