268 Acta Apostolicae Sedis - Commentarium Officiale

Hinc angustias luctasque intimas sustinere coepit, animi anceps an

potius nova prosequi vota, quam ad. pristina se converteré expediret, donec

haesitanti et supplicanti misericors succurreret Deus. Quadam feria sexta,

cum Rosa in memoriam et honorem Dominicae Passionis, a prospiciendi e

fenestra iuvene a se dilecto ahstinuisset, statim, nova luce a Deo indita,

pericula quae animae propriae imminerent, clare persensit.

Eodem tempore, Deo providente, rus, animi relaxan di causa, una cum

fratre et sorore, concessit, ibique non sine aliquo superno mentis instinctu,

ipsa scivit et retulit iuvenem illum fuisse improvisa morte misere abreptum,

quod reapse confirmavit eventus. Gravi afflicta moerore et luctu, effusis

ad Deum propitiationis precibus, Rosa reviviscere in se sensit pristinum

animi fervorem, voluntatemque status religiosi amplectendi. Interim,

de parentum consensu, cum decimum septimum annum ageret, in mona-

sterium S. Catharinae se recepit, ibique permansit, donec paucos post

menses, patre emortuo, ob rei familiaris necessitates et matris praesertim

infirmitatem domum redire cogeretur. Fratre natu maiore, matreque haud

ita post vita functis, cum soror Magdalena ad honestas nuptias transiisset,

ancilla Dei, curam domus minorisque fratris suscipere adigitur, atque ingres-

sum in aliquod monasterium ad opportuniores circumstantias differre.

Interim apud sanctuarium Ordinis Praedicatorum B. M. Virgini de

Quercu nuncupatae dicatum, piis adhibitis precationibus et Sacramentis

rite receptis, a prudenti confessario curae committitur P. Bonaventurae

Bandinelli, Collegii Societatis Iesu Rectoris, ad Ssmi Nominis Iesu, in ipsa

civitate Viterbiensi; quo suasore non exiguos in via Domini progressus

fecit. Post ipsius discessum, P. Dominici Balestra, deinde P. Ignatii Marti-

nelli, consilio et hortatu, puellas in propria domo convocare, atque ab

optimis adolescentibus adiuta, religiosae et civilis institutionis elementis,

praesertim doctrinae christianae, non sine uberibus fructibus imbuere

coepit. Quod opus, gratuito incoeptum, Rosa domi prosecuta est donec

stabili sede et tuto censu provisum perficeretur. Nec exspectationi et spei

Ancillae Dei defuerunt opportuna divinae Providentiae auxilia : domus

scholaris et habitationis pro Magistris a domina Artemisia Marzanti oblata;

sociae Hieronyma Coluzelli et Portia Bacci pro puellarum magistris adsci-

tae; alumnae complures adscriptae. Itaque consensu et auctoritate Emi

Episcopi Viterbiensi Urbani Sacchetti, annuente etiam Adm. Rev. P. Ca-

rolo de Noyelles, Praeposito Generali Societatis Iesu, die S. Rosae Limanae

sacro, anno 1685, Rosa, aetatis anno vigesimo septimo, una cum sodalibus

ingressa est domum scholis instituendis paratam. Istae magistrae omni

necessaria doctrina et virtute exornatae puellas docebant; hae quod in

scholis didicissent domi repétebant, non parvo pietatis ac religionis mere-