26S M A R I A N O P O L I T A N A

catioíiem, quae iam in corde suo insederat, postea ostendit. Insti- tutum hoc, quod tunc temporis fundare non cogitabat contrariis certe rerum adiunctis sylvestris regionis, postea perfecit, neque id divinam vocationem excludit. Praetores Marianopolitani utique laudibus Institutum Servae Dei extulerunt itemque contenderunt apud Galliarum Regem, ut ei certus redditus assignaretur, at immerito infert Promotor Fidei ex eo Instituto repetendam esse famam quae potissimum viguit apud illos, qui prae caeteris ipsius operam ad politica commoda referebant. Fieri enim nequit Pro- motorem, cum haec scriberet, oblitum fuisse vel virtutum Servae Dei, a quarum excellentia eius sanctitatis fama originem duxit, vel testimoniorum de eius persona ac de ipsius sanctitate, quibus Summarium redundat. Hanc famam comprobant multi probi viri, qui Servam Dei consuluerunt ; Litterae eiusdem ad consulentes directas, testimonia ab Episcopis et coaevis gravissimis viris sta- tim post eius obitum edita; itemque immensus concursus, qui a cuiusvis coetus personis ad eius funera factus fuit. Quo magis magisque elucescat S. D. sanctitatis fama, haec (Ben. XIV Lib. II cap. 39 n. 7) nihil aliud est quam existimatio seu communis opi- nio de puritate et integritate vitae et de virtutibus; quae quidem opinio erit a testibus bene probata, si alter ex iis deponat se audi- visse populum loquentem ex. gr. de FIDEI virtute, aut de certis actibus fidei; alter autem deponat se in alio loco audivisse populum loquentem ex. gr. de virtute Charitatis etc. Idem Ben. XIV Lib. III cap. 40. n. 2.) Probant igitur famam non modo generalia, sed generalissima etiam verba. Atqui testes nostri sub religionis iu- ramento non generalia tantum, sed et singularia ex traditione retulerunt, ac specificos uniuscuiusque virtutis actus, ut videre est in Summarii tabulis, quae idcirco satis superque ostendunt, universalem famam sanctitatis Servae Dei non aliunde initium sumpsisse, quam ex heroico eius exercitio virtutum, et perdu- rasse usque ad extremum illius vitae diem. Huius vero famae incrementum, extensio et continuatio ad haec usque tempora luculenter comprobatur a variis testibus et a multis Postulato- riis Litteris Episcoporum, Sacerdotum, ac amplissimorum viro- rum ad Apostolicam Sedem directis, pro huius Servae Dei