Neapolitana 269

constituit. Cum igitur ex translationis facto argumenti vis eruatur, parum interest, quo tempore praedicta translatio con- tigerit, licet viri eruditi non levibus tantum coniectationibus ducti, sed validis innixi rationibus demonstrent eam factam fuisse vel ad finem Saeculi x vel exordiente xi.

Huius translationis documentum, via scilicet quae ad Eccle- siam S. Ianuarii aditum pandit Nostriani nomine distincta, impetitur a Fidei Vindice ; huius enim appellationis rationem, potiusquam a traslatione, vult esse repetendam a balneis eo in loco a S. Episcopo constructis. At explicet tunc, inter- rogat Defensor cur, licet Nostrianus iam a Saecul. v balnea erexisset et S. Ianuarii ad Ulmum Diaconia iam a S. Agnello Ab. fuisset condita, tamen non ante saecul. xi eo nomine platea ac proximae viae fuerint insignitae ? Esto quod nomi- nis ratio ex balneis extructis fuerit desumpta ; at ulterius factum quoddam requiritur quod explicet susceptae Saeculo xi appellationis exordium : hoc autem optime constituitur in per- fecta eo tempore S. Reliquiarum translatione.

Duo, quae sequuntur in Censoris animadversionibus argu- menta, nullius esse roboris ostendit et Defensor. Etenim si contra institutam demonstrationem Fidei Vindex aliquid voluis- set conficere, probandum ei fuisset tum universas Beatorum exuvias quae publica illius aetatis veneratione fruebantur a Ioanne Episcopo e suburbanis coemeteriis translatas fuisse, tum Kalendarium ab eodem Antistite exaratum perfectam San- ctorum Neapolitanae Ecclesiae syllogem exhibere. Verum quoad primum ex historia contrarium constat, quae refert nonnisi quorumdam Sanctorum corpora eo tempore fuisse translata. Nec mirum ; quaedam enim anteriori, quaedam posteriori aetate sunt transvecta, prout relate ad unum vel alterum fideles maiori devotione ferebantur, aut periculum imminebat ex bar barorum incursu. Quoad alterum vero non omnes Sanctos viros, quos Neapolitana urbs publice venerabatur, in eo Kalendario recensitos fuisse, ex eo patet quod inter caeteros non perle- gantur in ipso nomina Sanctorum Episcoporum Epitimiti et