NIGIEN. 269

lominus ad populi admirationem et scandalum vitandum et ne pia institutio iacturam faceret, a iudiciali processu desi- stere maluerunt.

Post haec, scilicet labente anno 1879, spes affulsit ut res pacifice componi posset. Siquidem ab Episcopo qui paulo ante niciensem Ecclesiam regendam susceperat, transactio quae- dam proposita fuit, quae in pluribus accepto habita, tandem ad exitum, partibus haud convenientibus, perduci non potuit. Neque ad concordiam restituendam, magis profecisse videntur conventiones reliquae, et tractatus qui a viris peritis utrin- que advocatis propositi sunt.

Etenim die 27 Martii 1883 canonicus theologus, cui pe- cunia bursarum iam tradita fuerat, ut Niciensis Capituli procurator ad S. C. C. libellum quoad plures quaestiones agitandas porrigens, doluit quod Episcopus iterum evocave- rit quaestionem de pensionibus, quas Capitulum ab anno 1870 pacate confert vi acti secreti fundationis cum approba- tione Ordinarii Sola. Ait etiam procurator Capituli quod rogatus ab eodem Episcopo de amicabili transactione, respon- dit negative: et Episcopus adiecit velle de hoc agere cum Apostolica Sede.

Cohaerenter ad haec, rem Supremo Principi Praesul de- tulit, atque S. C. Episcoporum et Regularium preces So- rorum De la Fuente die 7 Aprilis exaratas remittebat, in quibus de pluribus querebantur quoad administrationem Ca- pituli.

Pleniori deinde habita ab Episcopo informatione, sequens precibus data fuit responsio : « Haec S. C. Episcoporum et Regularium, ad examen revocatis documentis omnibus, quae respiciunt piam institutionem factam a sororibus La Fuente r decrevit electionem eorum, quibus concedendae sint portio- nes redituum, vulgo bourses, spectare ad coetum administra- torum, cui praesit Episcopus pro tempore istius Dioecesis. Atque id quidem sperandum est, ut satis sit ad finiendas omnes controversias, quae a pluribus annis hac de re agi- tantur. »