266. De s. Katharina Suecica.

1 a. Recensemus in hac die
Cum concentu harmoniae
Katherinae gloriam.

1b. Haec virtutum harmonia
Et devota theoria
Mercabatur gratiam.

2 a. In aetate haec tenella
Coepit exercere bella
Cuncta contra vitia;

2 b. Mundi rebus resignavit,
Hostis fraudes superavit
Divina potentia.

3 a. Licet, viro copulata,

Non est virum amplexata
Carnali conubio ;

3 b. Sed effecti Nazarei

Laudibus insistunt Dei,
Non laesi contagio.

4 a. Ut divinis sit propinqua,
Se ferebat in longinqua
Spreto solo proprio,

4 b. Suam matrem imitata,
Ubicunque est morata,
Et parens imperio.

5 a. Vitae ducem sequitur
Laetaque complectitur
Sponte crucem Domini.

5 b. Se armat ad proelium
Fraudes cavens hostium
Nulli cedens homini.

6 a. Thecuites probitate

Haec est, Anna castitate,
Templo vacans iugiter.

6 b. Ubicunque erat nota

Pro beata et devota

Habetur veraciter.

7 a. Haec est schola disciplinae,
Vas valentis medicinae,
His, quos morbi pungunt spi-
nae,
Fundit medicamina ;

7 b. Caecus videt, mutus fatur,
Paralysis et curatur,
Ac defunctis vita datur
Huius per precamina.

8 a. O beata Katherina,
Aegrotorum medicina,
Serva tuos a ruina,
Vera vina tu propina
Perpetis laetitiae.

8 b. Sis et nobis recreamen

Placans patrem atque flamen,
Ut finale post examen
Sanctis nos coniungat, Amen,
Salvator, rex gloriae.