266.

1. Ostende, virgo pia,
Reis in via, Maria,
Tuum natum nobis datum.

Ut reatum abluat,
Diu fatum, caste natum,

Mundo gratum tribuat.
Mortis in examine
Tuo nos juvamine

Natum virgine ostende.

2. O clemens et benigna,
Laude digna, nos consigna
Tibi ; rosa speciosa,

Gloriosa, protegat,
Ne nos, rosa, mors dolosa

Ne aquosa subruat;,
Virgo mater, miserere
Et tecum nos commanere,

Tuum patrem fac videre.

3. O pia, tu piissima,

Tu sanctissima, splendidissima,
Stella maris appellaris,

Deum paris nescia,
Compararis dando caris

Singularis gratia,
Jam est tempus, et nunc praesta,
Ne anima sit comesta,
Per te, virgo, non sit maesta.