270 Acta Apostolicae Sedis - Commentarium Officiale

SACRA CONGREGATIO RITUUM

i

CHICAGIEN. SEU LAUDEN.

BEATIFICATIONIS ET CANONIZATIONIS VEN. SERVAE DEI FRANCISCAE XAVERIAE CA-

BRINI, FUNDATRICIS INSTITUTI MISSIONARIARUM A SACRO CORDE IESU.

SUPER DUBIO

An et de quibus miraculis constet in casu et ad effectum de quo agitur

Anno nondum elapso a decreti, heroicas virtutes Ven. Servae Dei

Franciscae Xaveriae CabrinJ. approbantis, promulgatione, iam hodie

nobis est datum hoc aliud decretum pervulgare, approbationis nempe

duorum miraculorum, quae Deus, eadem Serva Dei interveniente, di-

gnatus est operari, quo iter sternitur ad eiusdem sollemnem Beatifica-

tionem. Miracula enim sunt divina virtutum alicuius Servi Dei compro-

batio, quae nos certos securosque reddit de eius transactae vitae sancti-

tate eiusque valido apud Deum patrocinio.

Duas vere mirandas sanationes Sacrae huic Congregationi exhibue-

runt actores, quae veri miraculi characteres praeseferre visae sunt.

Ambae in America contigerunt, qua in mundi parte plurimum Serra

Dei, praesertim pro Italis illuc commigrantibus, adlaboravit, ita ut

Italorum mater meruerit appellari.

I. Anno 1925 apud Seattle in Hospitali Columbus nomine, in borealis

Americae Foederatis Statibus, a Venerabili pro Italis fundato, prior sa-

saltem ab a. 1921 pyloricis ac duodenalibus adhaerentiis fuit affecta,

saltem ab a. 1921 pyloricis ac duodenalibus adhaerentiis fuit affecta,

quae vitam ipsam in discrimen adduxerant. Quapropter quatuor se chi-

rurgicis operationibus subiecit; at incassum. Adhaerentiae enim paucos

post dies maiori semper vi iterum renascentes infirmae statum graviorem

reddebant. Quum nulla naturalis sanationis, ut ipsi medentes fateban-

tur, spes effulgeret, ipsaque infirma prope esset moritura, fervidae ad

Deum preces seu ab eadem seu a consororibus porrectae sunt. Et mi-

rum! Soror Delphina die 17 Decembris, sacro viatico roborata, hora ante

meridiem septima, de repente sanatam se sentit, cibos sumit, vires recu-

perat, nulla autem amplius anteacti morbi reliqua est passa. Obstupuere

omnes, vel ipsi medentes, qui perfectam fuisse sanationem edixerunt.