ANAGNINA 271

vari, ut retribuantur canonici tempore vacationis inser- vientes. Ita quidem olim eveniebat, quum regimen massae communis habebatur : verum hodie, rerum circumstantiis immutatis, aliud regimen introduci aequius forsan est. Re- colendum namque venit, Gubernium hanc administrationis rationem non recognoscere ; ex ea vero plura incommoda sequi, quae superius sunt exposita ; quibus insuper et alia adiici possunt. Nam si supponatur, Gubernium sex mensi- bus tantummodo suum beneplacitum differre, utique res de plano procedet, et beneficiatus plus minusve ac olim posti- cipatos suos redditus percipiet : ast potest contingere, ut regium placitum non donetur , nisi post annum, post an- num et dimidium ac ultra : qua in hypothesi, ultro ad- missioni, quaenam novo beneficiato fieret conditio, antiquo regimine retento, quisque facile intelliget.

Neque omittendum est , quod unus ex reis conventis observat, olim scilicet posticipationem reddituum non fuisse adeo gravosam tum ob minora vitae impensa, tum ob fa- ciliorem et minus onerosam beneficii consequutionem, tum quia praesertim tunc novus beneficiatus identidem aliquas distributiones extraordinarias inter praesentes percipiebat, quod hodie non contingit.

Aliunde vero immutatio antiquae disciplinae seu con- stitutio anni civilis, ceu vocant, non videtur aut plurimum laesiva, aut iniusta ; sed mere disciplinaris : sunt enim ca- pitula, imo et complura, ubi vacante aliquo beneficio, ce- teri canonici chori officiis vacant , quin aliquid percipiant ex maiori onere forsan ex vacatione sibi contingente.

Quibus aliisque animadversis propositum fuit diluendum

Dubium

An resolutio capitularis diei 21 Februarii 1885 sus- tinenda sit in casu.

RESOLUTIO. Sacra C. Congr. die 2 4 Iulii 1 8 8 6 re dis- cussa, censuit respondere : Affirmative et amplius.