268. De sancto Laurentio.

1 a. Laurenti, laureata

1b. Te decent ornamenta,

2 a. Martyrem

decoctum flammula

2 b. De ferri

forcipe ignea.

3 a. Dum torqueris,
intima gaudia
te confortant
de caelo missa:

3 b. Assunt tibi
agmina caelica,
quae fruuntur
deica vita,

4 a. In igne te rorantia,

4 b. In corde consolantia.

5 a. Eia, nunc,

sancte martyr, familia
tua te rogat devota,

5 b. Ut tecum

possit epulis splendida
cibari regis in mensa.

6 a. Dulcia multum illa
prandia sponsalia

6 b. Satiant corda munda
gloria sempiterna.

7 a. Illic, Christe,

nostra iunge sollemnia;

7 b. Ibi laeti

te videamus in aula,

8 a. Qua gaudet Laurentius
per aeterna.