269. De sancto Laurentio.

1. Hostiae sollemnis diem
recolant Christiani.

2 a. Ignis tuus, Laurenti,

Nos ad proelium Christi
Maestos inflammavit
peccatores.

2 b. Hic in hostem impegit,
Hostis vires confregit
Fortis victor tuus
regnat vivus.

3 a. Dic nobis, Laurenti,

Quid tu sentis tormenti?
Carbones mihi sunt flores
Amor facit

lenes hos dolores.

3 b. Angelus est testis,

Quo lenitur haec pestis.
Devicit sanctus superbos
Statuit hos

in planctus acerbos.

4 a. Credendum est Christi testi
plus, vera dicenti,
Quam turbae pravae
falsa monenti.

4 b. Scimus istum triumphasse
de hostibus vere.
Tu nobis per hunc,
rex, miserere.