270. De sancto Laurentio.

1 a. [Caeli, terrae cives gaudent,
Terra], pontus, astra plau-
dent,
Cessantque suspiria,

1 b. Recolentes festa tanta,
Celebrantes sacrosancta
Laurentii martyria.

2 a. Qui virtutibus fecundus,
Ab Hispanis oriundus
Patribus magnifice,

2 b. A Romanis enutritus,
Ordinatus, eruditus
A Sixto pontifice.

3 a. Cui, dum decollationis
Poenam sustulit agonis,
Adfuit Laurentius:

3 b. " Pater, orbatum filium
Dimittis, in exsilium
Qui tecum frequentius ?"

4 a. Sixtus ad baec: "Non dimitto
Te, mi fili, sed promitto
Me sequi post triduum;

4 b. Gazae templi potestate
Tua sint dona curatae
Aegris in subsidium."

5 a. Igitur archilevita
Dispensatas gazas ita
Contulit pauperibus.

5 b. Mox a Decio profano
Capitur, Valeriano
Dator in carceribus.

6 a. Sub Hippolyti clausura
Tentus signa fecit plura
Magno cum miraculo;

6 b. Namque caecum post pu-
sillum
Illuminavit Lucillum
Crucis cum signaculo.

7 a. Hinc levita praesentatur
Caesari, consciscitatur
Gazas, quas distribuit.

7 b. Unde sanctum imperator,
Romanorum legislator,
Cruciari tribuit.

8 a. Mox carnifices minantur,
Carnes sancti lacerantur
Dire scorpionibus:

8 b. Et ligatur a praefecto
Pius in ardenti lecto
Submissis carbonibus,

9 a. Quos carnifices instanter
Ministrabant, dum laetanter
Cecinit baec caritas:

9b. "Igne me examinasti,

Et non, quoniam probasti,
Est in me iniquitas."

10 a. Ecce, moritur hic iustus,
Archilevita venustus,
Ut piscis sic est adustus
Subter cratem ferream;

10 b. Animamque creatori

Reddidit, caelorum chori
Gaudent hunc in Christo mori
Propter gazam terream.

11a. O Laurenti, Christi testis,
Ad cenam agni caelestis
Insignitos albae vestis
Stolas fac induere.

11 b. Aegris opem fer et maestis,
Assistentes tuis festis
Servulos ignitae pestis
Flammas fac exuere.

12 a. Te, qui large dispersisti,
Minas Caessaris risisti,
Ignis impetum subisti
Ob amorem Iesu Christi,
Poscit haec plebecula,

12 b. Ab ignitis et a poenis

Hanc conserves et a threnis,
Et cum coetibus amoenis
Gaudiis sanctorum plenis
Fac esse per saecula.