274 WLADISL AVIEN.

Nec meliori omine morales causae proferuntur ad impo- tentiae impedimentum adstruendum ex testimonio B. Batti- stini a mulieris patrono in consilium pro re sua accitus.

Sed nec aversio animorum ut impotentiae moralis causa proferri potest, cum ex testimonio domesticae mulieris Ve- roniae Struglinska cognoscatur « inter B. Boiarskam eiusque maritum, eam relationem fuisse, quae externe magnum eo- rum amorem significabat. » Relate vero ad medicos cogni- tores licet maior eorum pars impotentiae iudicio faveret, non ideo maioris huius numeri iudicio fìdendum esse, defen- sor contendit, eo quod periti non ut iudices aut arbitri, sed ut testes facti assumuntur, ceu monet Be Luca De iud. di- scept. 33 n. 20.

Praeterea nec verum videtur maiorem peritorum par- tem in impotentiae iudicium secura sententia consensisse. « Quandoquidem medicus Woicickowski censet ; impoten- tiam physicam Stanislai Boiarski , relative ad uxorem suam, esse solummodo verisimilem, non vero certam et ab- solutam. » Felix Brecki : « Impotentia physica Stanislai Boiarski, me opinante, nec est omnino certa nec indubia , nam illa motibus animi ex parte Stanislai Boiarski relativa ad uxorem suam infestis innititur, natura autem eorumdem animi motuum nec mihi erat nec est nota. » Valerianus Wilczewski : « Potentiam virilem apud Stanislaum Boiarski summo in gradu decrevisse, ita ut actum coniugalem non- nisi, fortissimo stimulo carnali astipulante, ille perficere posset. »

Et quamvis B. Bieniecki et Rymarckiewicz impoten- tiam « nec dubiam nec incertam » dicant; tamen cum id desumant ex causis moralibus odii et aversionis inter coniu- ges, quae causae excluduntur a famula Veronica Struglin- ska, iam hoc medicorum iudicium ruere atque evanescere necesse est. Et in eodem censu ex iisdem rationibus ponen- da videtur sententia romani medici Battistini ; nam et ipse supponit sponsos mutuo caruisse amore, quod famula, testis de visu, omnino negat.