2y4 Ex S. Congregatione Concilii

Interim vero scribi mandavit Internuntio Apostolico Brasi- liensi « ut exemplar decreti Internuntii Cocchia transmitteret, atque, Nuntiaturae archiviis examinatis desumptisque neces- sariis ac congruis informationibus, referret, an dici possit Rmum Cocchia facultates tanquam Internuntium acceptas in praefato decreto edendo praetergressum fuisse, et quaenam fuerint motiva eiusdem condendi decreti, an nempe graves et extensi abusus fuerint in casu. Referat demum an huius- modi decretum nunc in desuetudinem desierit, aut adhuc ob- servetur, et an congruum sit illud in vigore servandi ».

Litterae autem circulares praedefuncti Internuntii Cocchia ad Episcopos Brasilienses, prout eas remisit actualis Inter- nuntius Apostolicus, sunt sequentis tenoris: «Omissis etc... Alterum est incommodum sive abusus, qui in aliquot dioe- ceses irrepsit, Missam scilicet ubique celebrandi etiam in pri- vatorum domibus. Quidam enim parochi non solum hanc inter suas ordinarias facultates numerandam esse arbitrantur, sed aliis etiam sacerdotibus permittunt ut, sub tectis modo huius modo illius familiae solo plerumque moti lucro, Sacrum faciant. Gravis profecto abusus hic est, nullo fundamento, ne tolerantiae quidem innixus, quem S. Sedes semper con- demnavit nostrique praedecessores diversis temporibus recla- mantes tollere conati sunt. Ut autem penitus evellatur, de- claramus: praeter ecclesias oratoriaque publica, praeter ora- toria privata vel S. Sedis vel Internuntii Apostolici auctori- tate rite erecta, praeter facultates particulares quas Ordinarii poterunt parocho vel cuilibet certo sacerdoti concedere toties quoties, ut altaria ad tempus constituenda, publica tamen, occasione visitationis vel missionis peragendae, hoc vel illo loco a parochiali ecclesia remoto erigant ; omnes qui extra praedicta loca vel in privatorum domibus, etsi parochi mu- nere fungantur, Missam celebrent, incurrere in poenam sus- pensionis a Missae celebratione Apostolici Internuntii aucto- ritati reservatam.... ».