! Restitutionis in integrum et nullitatis Professionis 275

Septem et amplius annis elapsis, mense Septembri 1866, moniales illae omnes expulsae fuerunt e monasterio vi subalpini Gubernii, et ab initio prohibitae quoque sunt, quominus mo- nasticam vestem induerent. Maria in parentum domum rediens atque saecularem vestem induens, non amplius dimisit.

inde S. Sedi supplicavit ad obtinendam Restitutionem in integrum, et declarationem nullitatis professionis. Remissis de more ad Ordinarium (Vicarium Capitularem) precibus pro infor- matione et voto, responsoque habito, reque ad SSmum relata, rescriptum prodiit tenoris qui sequitur: « Ex audientia SSmi « die 8 Iuiii 1870. Sanctitas sua, audita relatione Ordinarii « dioecesis N, eidem facultates necessarias et opportunas beni- « gne tribuit conficiendi processum super causis restitutionis « in integrum et nullitatis professionis, servata in substantia- « libus Constitutione s. m. Benedicti XIV, Si datam, cum « potestate, si opus fuerit, subdelegandi quoad testes absentes, « Ordinarios Dioecesum, in quibus forsitan iidem commoran- « tur. Insuper eadem Sanctitas sua mandavit remitti proces- « sum ad hanc S. Congregationem, cui indulsit, ut non obstante « lapsu termini canonici, causam tam super restitutione in « integrum, quam super nullitate professionis in plenario con- « ventu summarie proponat atque definiat. Contrariis quibus- « cumque etc. » . 1

1 In Litteris Apostolicis in forma Brevis datis pro Sicilia die 28 Ianua- rii 1864, quas habes in vol. III., pag. 186, praescribitur modus, quo causae ad forum ecclesiasticum pertinentes, abolito Iudice delegato eiusque tribu- nali, iudicari possint ac debeant. In articulo autem XIII statuitur modus iudicandi causas ie restitutione in integrum ob elapsum quinquennium a Synodo Tridentina statutum et praescribitur, quod post habitas informa- tiones, quibus a S. Sede dignoscatur preces Regularis reclamantis iustis inniti argumentis, Romanus Pontifex unum aut plures Episcopos eiusdem Siciliae Insulae designabit, qui ad tramites iuris sine appellatione iudicium emittant super restitutione in integrum concedenda vel deneganda, ut deinde causa disceptari possit super nullitate aut validitate professionis, prout uberius ibidem statuitur. Sed in praesenti causa ob peculiares vicis- situdinum circumstantias, SSmus Pater aliter constituit, ut patet ex supe- riori Rescripto.