WLADISL AVIEN. 275

Sed et idem sentiendum de medico extraiudiciali Zare- wicz, qui licet in scriptis de absoluta, et insanabili Stani- slai impotentia testimonium tulisset, excussus tamen in iu- dicio respondit: « Quoad incurabilem difficile erat hanc uno tempore diiudicare; ex narratione vero et expressione D. Boiarski ratiocinari poteram. » Item medicus Ostozichi in- ter testes septimae manus ab actrice inductus, a i t : inveni eum valde consumptum et impotentem ad actus coniugales; quod ultimum tamen repeto ex eius confessione. » Omnibus igitur medicorum sententiis rite perpensis, putat defensor, validum suffragium instantiam mulieris quoad viri impoten- tiam haud posse invenire.

Insuper sponsi sibi invicem omnino contradicunt, dum Hedviges certiorem se esse dicit actum coniugalem maritum non complevisse, ac vicissim profitente viro, saepius copu- lam carnalem perfectam fuisse. Porro in hac contradictione si mulier statim ab initis nuptiis aut saltem intra annum contra virum reclamavisset eius instantia admitti poterat; sed quia post annum, imo post annum et dimidium, matri- monium impugnavit, reiicienda est ex praescripto cap. 1 de frig. et male f. « quia, ut ibi cavetur, si proclamare vo- luit cur tam diu tacuit? »

Nec mendacii aut periurii accusari potest Stanislaus, quippe quia eius verba quoad maritalis congressus frequentiam explicari possunt de conatibus; dum vicissim causae suae ni- mium studiosa videtur actrix, utpote quae viro duo millia rublorum obtulit, teste Veronica Strunglinska rei mediatri- ce, « ne dominam diffamaret eiusque opinioni damnum af- ferret. »

Quoad pharmacorum vero usum, notat defensor, id so- lummodo evincere, Stanislaum integra plenaque valetudine non valuisse, minime vero fuisse impotentem. Idemque di- cendum de fama, quae dum in se plene non probat, insuper in themate undique explorata non apparet.

Et quamvis Sánchez De matr. I. 7 q. 109 n. 15 doceat quod « quando mulier erat corrupta, ante matrimonium, nec-