Sermo II .

Dominica secunda post Pentecosten. Sermo fratris Bonaventnrae in Capitulo Parisiensi.

Homo quidam fecit coenam magnam et vocavit multos, Lucae decimo quarto .

In his verbis notatur maxima liberalitas bonitatis Dei erga humanum genus in duobus, scilicet in praeparando satietatem, ad quam ab aeterno nos praeordinavit ; et hoc notatur, cum dicitur: Homo quidam fecit coenam magnam: in invitando seu convocando ad eam quam tam studiose praeparavit ; quod notatur, cum dicitur: et vocavit multos.

I. Nota ergo, quod homo iste quidam est Deus aeternus, qui dicitur homo quidam, quia singularis in pietate et benignitate . - Circa primum nota, quod satietas vitae aeternae sive refectio paradisi gloriae vocatur et dicitur et est coena magna: ratione apparatus amoenissimi ; sant enim paradisi semper amoena virentia et mansiones et aeterna tabernacula, quae ''oculus non vidit, nec auris audivit, nec in cor hominis ascendit .

Ratione victus ''uberrimi: quia proponitur ibi sapientia aeterna ad contemplandum, bonitas ad degustandum potentia ad admirandum.

Ratione convictus conformissiini: est enim ibi multitudo hierarchiarum et dispositio multiformis Sanctorum ad modum stellarum in id ipsum tendentium.

Ratione modi vivendi satiantis et excessivi, quia quidquid ibi est, plenum est pinguedine saginante et recreante et quietante.

Vel dicitur coena magna, quia magnifice praeparata: tertii Esdrae tertio : Rex Darius fecit coenam magnam cunctis vernaculis sitit et magistratibus etc.

Mirifice ordinata: Iudith sexto: Fecit ei coenam magnam, et vocalis omnibus presbyteris, simul, expleto ieiunio, refecerunt. - Suavifice cibativa: Iudith duodecimo: Holofernes fecit coenam magnam servis suis et iucundus factus est etc.

Sempiterne mansiva: Apocalypsis decimo nono : Beati, qui ad coenam nuptiarum Agni vocali sunt.

Excessive satiativa ; Apocalypsis decimo nono: Venite ad coenam magnam Dei omnipotentis etc.

Plenarie quietativa ; Lucae decimo quarto: Misit servum suum hora coenae dicere invitati?, ut venirent, quia iam parata sunt omnia.

II. Circa secundum nota, quod vocavit ad hanc coenam multos de omni gente et natione. Vocavit enim invitando ad eam: per specula creaturae ad Deum mittentia per suam speciositalem ; Proverbiorum nono : Sapientia aedificavit sibi domum, excidit columnas septem et proposuit mensam suam. Misit ancillas suas, ut vocarent ad arcem et ad moenia civitatis.

Per documenta Scripturae ad Deum trahentia per suam veritatem: Matthaei vigesimo secundo: Misit servos suos vocare invitatos ad nuptias etc.

Per charismata gratiae in Deum, agentia per suam suavitatem: Proverbiorum primo: Vocavi, et renuistis: extendi manum meam, et non fuit qui aspiceret.

Per exempla iustitias ad Deum commoventia per suam sanctitatem: Matthaei vigesimo secundo : Ait rex servis suis: Nuptias quidem paratae sunt, sed qui invitati erant non fuerunt digni. Ite ergo ad exitus viarum et quoscumque inveneritis, vocale ad nuptias etc.