276 Acta Apostolicae Sedis - Commentarium Officiale

ad Sanctae Clarae ancillam Dei conlocare. Et Cardinalis exspectationi

satis superque respondit Lucia. Maiore enim alacritate ad perfectionis

semitam decurrendam properavit Dei F a m u l a : praepositarum monia-

lium dicto audiens, ab otio et vani ta t ibus aliena, regulae observantissima,.

poenitentiae a tque humilitatis cultrix eximia, prudens, iusta, misericors,

ipso habi tu a tque ore modestiam referens et puri ta tem, in humana specie

angelus visa est. Interea cum purpuratus ipse Praesul sapienti consilio

cogitasset, de domo altrice Faliscodunensi aperienda, in qua, quasi in semi-

nario quodam, magistrae tirocinium ponerent, unde posthac peregre ad

puellas erudiendas mit terentur , Rosam Veneriniam accivit ad se, quae

Viterbii iam simile conlegium consti tuendum curaverat. Ut Cardinalem

voti compotem redderet illico Rosa Faliscodunum venit, eamque Clárense

monasterium accepit hospitio. Heic Yeneriniae da tum est Lucia u t i fami-

liariter, et praeclaras Ancillae Dei animi ingeniique dotes demirata, quasi

praesaga futuri, novit adulescentulam illam opt imam fore Faliscodunen-

sium magistrarum antist i tam; remque Cardinali aperuit, qui frustra relu-

ctantem Luciam ineunti Magistrarum Inst i tu to praepositam voluit. I ta-

que, in aedibus locations, prima Magistrarum Piarum insti tui tur schola;

eandemque non modo puellae, sed etiam, distincta in diaeta, nuptae ad

religionem addiscendam ingrediuntur. Lucia magistra ac duce, saluber-

rimi fructus percepti sunt; prudens enim Famula Dei nihil reliquit inten-

ta tum, nulli pepercit industriae, nullos detrectavit labores, ut futuras

magistras verbo a tque exemplo institueret, a tque ad pietatis exercitatio-

nes vocaret. Ut Cardinalis iussa impleret non modo ad S. Clarae monaste-

rii regimen assumpsit, et quae fuerat a lumna obedientissima, iustissima

moderatrix exstitit , a tque asceterii disciplinam restituit; sed ad ma t rum

familiarum s ta tum animum convertit, et religiosae illarum educationi et iam

actuose consuluit. Crucis vexillum praeferens, singulis Dominicis, plateas

et compita lustrare consuevit, ut puellas ac mulieres in templo ad chri-

st ianam doctrinam acciret. Suavi praedita eloquio, insperatas Ancilla Dei

deperditarum etiam mulierum conversiones obtinuit; ac t an t a morum im-

mutat io inde subsecuta est, ut ipse Cardinalis Barbadicus ad novas scholas

aperiendas Luciam excitaverit . Quare Magistris peregre missis, brevi sunt

undecim fundatae scholae, vel potius perfectae christianae vitae palae-

strae, in quibus alumnae non modo litteras et femínea pensa, sed germa-

nam pietatem addiscebant Deique timorem. Praeclara operis fama dioece-

sis fines praetergressa, Almam hanc ad Urbem pervenit, et Decessor Noster

Clemens P P . X I , cui, an tequam ex hac vi ta migraret, Cardinalis Barba-

dicus frugiferum Ins t i tu tum etiam a tque etiam supplicibus votis com-

mendaverat , ne tan to spirituali bono Roma careret, ad Urbem compellavit