276 Acta Apostolicae Sedis - Commentarium Officiale

Ordinariis, bonis sodalium exemplis et opera, magno auxilio sane eva-

dant. Quae res non tantum amplissima laude probanda videtur, sed,

iuxta Summi Pontificis P I I PAPAE XI vota, studiose promovenda est,

cum, Litteris Encyclicis Berum Ecclesiae, die 28 februarii 1926 datis,

Summus Pontifex hisce verbis Missionum Ordinarios adhortetur : « Ne-

cesse est... ut religiosas ex utroque-sexu sodalitates indígenas insti-

tuatis », in quibus asseclae « consilia evangelica profiteantur ».

Ad hoc vero ut tutum iter Ordinariis, hoc opus tam salutare aggredi

cupientibus, praebeatur, prae oculis habitis normis a S. O. Religiosorum

negotiis praeposita a. 1922 datis, Regulas, quae sequuntur, hoc S. Con-

silium decrevit recolere, a locorum Ordinariis sibi subditis, in erigendis

Congregationibus indigenis, diligenter servandas.

1. Antequam nova Congregatio condatur, videat Ordinarius an fini-

bus sibi propositis Congregationes iam erectae satisfacere possint. Quo

in casu, a nova Congregatione condenda abstineat atque illorum Insti-

tutorum sodales advocandos curet.

2. Quod si, rebus mature perpensis, novam indigenarum Congregatio-

nem, in bonum Missionis sibi commissae, erigendam putaverit, eam ad

exemplum alicuius Instituti, in Ecclesia vita religiosa florentis, consti-

tuat.

3. Titulus, seu nomen, novae Congregationis desumi potest vel a Dei

attributis vel a Sanctae Religionis mysteriis vel a festis Domini aut

B. V. Mariae vel a Sanctis vel a fine peculiari ipsius Congregationis. Ne

titulum vel habitum cuiusquam Religionis iam constitutae usurpent

novae Congregationes cautum est in can. 492, § 3.

4. Cavendum est praeterea ne titulus, seu nomen, Congregationis

nimis artificiose compositus sit neve quampiam devotionis speciem, a

Sede Apostolica non probatam, exprimat aut innuat.

5. Si de religiosis virginibus agatur, curandum est ut saltem duae

sorores ex aliquo instituto iam rite approbato in promptu sint, quae

munera Moderatricis Generalis et Magistrae Novitiarum in nova eri-

genda Congregatione, ad tempus, assumere valeant, donec scilicet haec

vita propria vivere possit.

6. Circa media quoque ad novam Congregationem sustentandam ne-

cessaria prudenter consulendum erit.

7. Hisce praemissis, Ordinarius, re adhuc integra, hoc S. Consilium

adeat, iuxta can. 492, § 1, debitam petat ab eo licentiam illudque con-

sulat de iis quae ad Congregationem instituendam necessaria sunt, atque

opportune referat :

a) quanam causa ad eam instituendam Ordinarius ducatur;