276 Acta Apostolicae Sedis - Commentarium Officiale

suam tandem saeculo nonodecimo ineunte frontem habuit. Artifices claro

nomine insignes in novam ecclesiam exstruendam exornandamque diu

incubuerunt ; ita ut hodie eadem formis rectis exaedificata, tholo et

campanaria turri plane singularibus exterius praedita, picturis, mar-

moribus, supellectili digna interius decorata, inter eonspiciendas ac lau-

dabiles sacras Urbis aedes merito adnumeretur. Die vero vicesima mensis

Ianuarii, anno millesimo octingentesimo quadragesimo secundo Alphon-

sus Ratisbonne iudaeus, dum eodem in templo amplitudinem, magnili-

centiam artisque opera eiusdem visendi cupidus intuebatur, repentina

Beatae Virginis Mariae apparitione dignatus est, ita ut, postea propterea

baptizatus, catholicus factus sit. Deiparae autem Imago, a Miraculo

nuncupatae, iuxta praedictae Apparitionis modos dein depicta, atque

in suo apposito sacello conlocata, magna populi devotione ad hunc usque

diem est exculta. Religioso quidem eiusdem Beatae Virginis cultui,

ipsiusque templi ministerio Fratres Ordinis Minimorum sollertes inser-

viunt, qui, paroecialem etiam animarum curam habentes, in domo clau-

strali adiecta templo degunt. Ob hanc sane rationem etiam convenit,

primo ab apparitione prodigiosa memorata centenario anno, templum

idem peculiari voluntatis Nostrae pignore honestare ad fovendam chri-

stifidelium pietatem, tristissima praesertim nostrorum dierum condicione,

tam erga Deiparam a miraculo quam erga ipsammet sacram aedem, in

qua Eiusdem Imago servatur. Qua re conlatis consiliis cum Venerabili

Fratre Nostro Sanctae Romanae Ecclesiae Cardinali Episcopo Praene-

stino, Sacrae Rituum Congregationis Praefecto, Apostolica Nostra au-

ctoritate, praesentium Litterarum tenore perpetuumque in modum, tem-

plum, quod in Alma Urbe exstat titulo Sancti Andreae vulgo de Fractis

sive « delle Fratte » nuncupatum titulo dignitateque Basilicae Minoris

exornamus illique ex nunc iura ac privilegia tribuimus, quae dignitati

tituloque huiusmodi rite competunt. Contrariis non obstantibus quibus-

libet. Haec benigne largimur, decernentes praesentes Litteras firmas,

validas atque efficaces iugiter exstare ac permanere, suosque plenos atque

integros effectus sortiri et obtinere, illisque ad quos pertinent sive per-

tinere poterunt plenissime suffragari; sicque rite iudicandum esse ac

definiendum, irritumque ex nunc et inane fieri si quidquam secus super-

nis a quovis, auctoritate qualibet, scienter sive ignoranter attentari con-

tigerit.

Datum Romae, apud Sanctum Petrum, sub anulo Piscatoris, die xxv

mensis Aprilis, anno MCMXXXXII, Pontificatus Nostri quarto.

A. Card. MAGLIONE, a Secretis St,atus.