276 Restitutionis in integrum et nullitatis Professionis

Eiusmodi Rescripto habito, Vicarius Capitularis nominavit Defensorem professionis, qui iuramentum dedit et Interrogatoria concinnavit : iampridem oratrix sua Capitula praesentaveram Item subdelegava Vicarium Foraneum, qui erat in loco, quo nata fuerat Maria, ut testes ibi existentes vocaret et examinaret, alio ibi deputato Defensore professionis : testes inducti fuerunt examini subiecti, quorum omnium Vicarius Foraneus iuramentum suscepit, quique praeterea firmarunt sua testimonia propria subscriptione, adiecta etiam subscriptione Defensoris.

Transmisso inde Romam processu, eoque ex officio tradito Consultori, ut Votum pro veritate conscriberet, remissum inde de more est tum Votum, tum processus ad Defensorem profes- sionis ex officio Romae constitutum, ut animadversiones suas faceret, quibus omnibus paratis, causa coram S. Congregatione, ut iudicaretur, proposita est.

Disceptatio synoptica.

CONSULTORIS VOTUM. Consultor in dicto Voto (quod in sua substantia refero) omnia adamussim perscrutavit, cum sit causa quae in facto, in quo t ita consistit, est difficilis ; atque omnia testimonia ita expendit, ut recto quodam tramite, difficultates occurrentes vel solvens vel componens, ductus sit ad opinandum professionis nullitatem ex vi illata per timorem, quem reve- rentialem appellamus.

Initio Voti de processu egit, ostendens ordinem iudiciarium et substantiales praescriptiones Benedictinae Constitutionis Si datam, esse servatas. Sane uterque Defensor professionis a Vicario Capitulari deputatus iuraverat iuxta praescriptam for- mam : citati fuerant tum actricis pater, tum amita, tum avia; altera enim decesserat, quae complices reputabantur : testes examinati fuerant regulariter secreto et singillatim .-fueruntomnes interrogati tam super Capitulis actricis, quam super Interro- gatorio Defensoris et coram eodem Defensore : omnes et singuli firmarunt suam depositionem, vel Tabellio pro illiteratis.