276 VRHBOSNEN. SEU SARAIEVEN.

meis canonicis arcere. Quod per tredecim annos factum esse quilibet propriis oculis videt. Supersedeo enumerandis bonis, quae ex canonicorum vita communi Sarajevi orta sunt, quum unus eorum, R. D. Jeglic illa accurate notet ».

« Timor, ne successu temporis canonici vrhbosnenses con- stringerentur ad ducendam vitam religiosam emisso triplici voto, est prorsus fictitius, quamquam nemo me felicior es- set, si revera spes adesset instituendi canonicos regulares. Quem timorem, illusione niti, optime demonstrat haec ipsa quaestio, et ratio, qua orta est. Nam si mei canonici, qui omnes a me electi quique exemplares sunt et qua tales ubi- que noti sunt, nullum lapidem non movent, ut sese liberent a iugo quocumque, quod ob maiorem Dei gloriam et salutem animarum illis impositum est, et quidem illis consentien- tibus: quidnam facturi essent illi, qui, quod Deus avertat, aberraren! in via et devia, si Archiepiscopus tentaret, eos inducere ad amplectendam vitam religiosam?

« III. Omnibus, allatis a duobus ceteris canonicis scili- cet a R. D. Dno. Antonio Jeglic, vicario generali et ar- chidiacono capitulari, et a R. D. Stephano Hadrovic subscribo atque toto pectore amplector hanc R. Domini Jeglic pro- positionem : Quoad nunc sincera mea vota sunt : 1. ut per- mittente et approbante Sacra Congregatione, Capituli huius statutis adderetur clausula, quod abhinc singuli canonici te- neantur ad vitam communem, id est ad communem habita- tionem in eadem domo, ad commune famulitium et ad com- munem mensam ; 2. ut canonicis nunc vitam communem ob- servantibus ab ista Sacra Congregatione suadeatur, ne a tali vita libere suscepta unquam recedant; 3. ut imprimis ca- nonicus, qui ultimis diebus iam recessit, ab ista S. Con- gregatione suaviter simul et fortiter admoneatur, ut ad vi- tam communem redeat ».

Quibus animadversis, quaesitum fuit quid esset precibus respondendum.

RESOLUTIO. Sacra C. C. re disceptata sub die 22 Iu- nii 1895 censuit respondere : Attentis peculiaribus circum-