Acta Pii Pp. XII ^ 277

- - quod magno cum animi solacio novimus - qui apud vos catholico glo-

riantur nomine - nequi ii pauci sunt - et mordicus suam fidem adhuc

retineant ab erroribusque tueantur, et ab eadem supernas vires super-

nasque consolationes repetant ad praesentes superandas difficultates, ad

suos leniendos mulcendosque dolores, et ad vitae iter eo dirigendum, quo

solummodo mortales omnes dignum virtutis praemium, plenam animi

requietem, veramque patriam perpetuo mansuram assequi poterunt.

Pergant igitur dilecti Eystettensis Dioecesis filii - te auspice, magi-

stro ac duce - sanctissimis Villibaldi vestigiis insistere; atque haec sae-

cularis commemoratio animos eis addat ad ea omnia alacriter fortiterque

peragenda, quae nostra haec aetas a fidelibus Iesu Christi sectátoribus

postulat. Postulat scilicet ut hominum mentes, depulsis erroribus, evan-

gelicae veritatis iubare penitus collustrentur; postulat ut Ecclesia, do-

mesticus convictus ac scholae litterarumque ludi adiutricem sibi invicem

operam praestent ad iuventam catholicis praeceptis conformandam ro-

borandamque; itemque ut christifideles omnes, tum recta firmaque fide

sua, tum suae cuiusque vitae sanctimonia incertos nutantesquealiorum

animos confirment veraqtie luce imbuant; postulat denique - q u o d su-

perioribus annis vos iam pro viribus egisse magno cum animi gaudio no-

vimus - ut quisquis opem habeat, qua proximorum indigentiam, mise

riam, angorein allevare queat, id libentissimeque faciat; utque omnes

non modo suum, sed ceterorum etiam odium, invidiam, simultatem com-

p e t e r e ac pacare contendant, nullisque pareant laboribus ut inexhausta

religionis nostrae caritas tot maiorum cumulo, quae diuturnum nimis

edidit bellum, pro facultate mederi possit.

Sanctissima eiusmodi hortamenta ac monita Nostra, Venerabilis fra-

ter, cum credito grege communicare gratum profecto tibi erit officium,

eumdemque certiorem reddere - si quidem opus e s t - Nos paterno

amantique vobis animo praesentes esse, Nos vestros participare maero-

res, vestram augere spem percupere, ac vobis 'divina implorare solatia.

C)uorum auspex ac conciliatrix esto Apostolica Benedictio, quam tibi,

Venerabilis Frater, cunctoque clero ac populo tuis curis demandato

amantissime in Domino impertimus.

Datum Romae, apud Sanctum Petrum, <̂Jie XXX mensis Octobris,

anno MDCCCCXXXXV, Pontificatus Nostri septimo.

PlIJS PP . X I I