VRHBOSNEN. 277

De natura huius novae Ecclesiae non convenit inter ca- pitulum et parochum. Hinc bonum videtur aliquid de eiusdem historia innuere. Ex eleemosynis undique collatis, collectae primo fuerunt 240,000 libellae; quae servabantur Viennae apud ministerium Bosniae. Tunc neotericus Archiepiscopus rogavit ut cathedralis Ecclesia aedificaretur. Minister Kallay annuit et decrevit ut gubernium Bosnense daret circiter 70,000 flor, quoniam collecta pecunia haud satis erat. Archiepisco- pus putavit, istam pecuniam a gubernio dari pro aedificanda Cathedrali, prout alia pecunia collecta fuerat in hunc finem.

Ast decursu quinquennii, quo 1884-1889 Ecclesia nostra aedificabatur, gubernium saepe enuntiavit, se aedificare non Ecclesiam cathedralem, sed parochialem. Quae enuntiatio no- bis omnibus erat valde inamoena, praesertim quum ipsa ex- terior fabrica a gubernio dirigeretur. Sciens, gubernium non posse finem illius prioris pecuniae collectae pro erectione Ec- clesiae cathedralis immutare, noluit Antistes cum illo decer- tare, quippe speravit futurum esse ut desineret insistere praeconceptae ideae. Ast quando Ecclesia finiebatur, et Ar- chiepiscopus Viennae voluit obtinere, ut pristina Ecclesia s. Antonii, quae hucusque qua cathedralis et parochialis inserviebat, in posterum inserviret Ecclesia parochialis, nova autem ut cathedralis consideraretur, noluit minister Kallay » consentire, sed dixit, se velle, ut nova Eccclesia qua paro- chialis inserviat quum animo haberet aliam magnam Eccle- siam cathedralem exaedificare. Licet ego hanc promissionem minime seriam habuerim, ait Antistes, tamen seria erat vo- luntas, ut Ecclesia nova qua parochialis inserviret. Perrexi ad Nuntium Apostolicum Excell. D. Galimberti et oretenus ei omnia exposui. Ipse dixit, non esse contradicendum mi- nistro,, quum eadem Ecclesia optime inservire possit qua Ecclesia cathedralis et parochialis. Ex hoc tempore statim coepi, cogitare, quomodo parochialis domus prope novam Ec- clesiam exaedificaretur. Et successit. Nova parochialis do- mus, consentiente capitulo Vrhbosnensi exaedificata est prope novam Ecclesiam, pro qua domo gubernium quoque, qua