VRHBOSNEN. SEU SARAIEVEN. 277

stantiis, supplicandum SSmo. ut canonici hodierni graviter hortentur ad communem habitationem et victum servandum ; successores vero omnino obligentur.

-»• • IANUEN.

IURIUM

Die 20 Iulii 1895. Sess. 24 Cap. 18 De reform.

COMPENDIUM FACTI. In dioecesi Ianuensi non longe ab urbe Ianua, sublimis extollitur mons, vulgo Ficogna dictus, cuius in praerupto cacumine coelorum Reginae celebre dicatum est templum sub titulo B. Mariae Virginis de Guardia, ab a. 1490, quo ipsa B. Virgo, uti fertur, cuidam pio colono, Benedicto Pareto, se conspiciendam praebuit, petens ut in sui hono- rem ibi sacellum construeretur. Benedictus, alacri animo votis B. V. satisfacere studens, tum aere proprio, tum stipe fidelium collata, coelesti Patronae Cappellani excitavit, di- cavitque. Exinde familia Pareto, videtur ius patronatus in Cappellani exercuisse, adhibitis pro sanctuarii bonis admi- nistrandis nonnullis ex parochianis loci Livellato, Massariis nuncupatis eiusdemque paroeciae Rectore certas functiones inibi peragente.

Verum cum inter B. M. V. Sacelli Massarios et loci Li- vellato Parochum dissensiones, progressu temporis, enatae essent, electi arbitri eas componere nisi sunt per instrumen- tum anni 1596, quo, inter alia, statuerunt ut Capellanus eli- geretur, onere eidem imposito Missam in ecclesia parochiali, dominicis diebus intra octavam Pentecostes et diem Sancti Michaelis occurrentibus, celebrandi loco Parochi qui, prae- fatis diebus in dicto Sacello litabàt : assignata Capellano a Parocho et Massariis electo portione oblationum, quae B. M. V. Sacello a fidelibus offerebantur.

Sub anno 1626, narratur, familiam Pareto extinctam esse, cuius nomen in relato instrumento adhuc invenitur in