274. De s. Ludovico Tolosano.

1 a. Flos ortus inter lilia,

Quorum radix est Francia,
Quibus fraglat Sicilia,
Ludoviens, vitae via,
Quo spreta mundialia.
Sprevit [haec] sensibilia
Sceptra nolens regalia,
Iure paterno propria,
Sed Minorum consortia
Poli captans palatia.
P[raeco]nizet ecclesia.

1 b. O, quam bella s[ubtilia]
Novit, carni nocentia,
Spiritui utilia,
Sua fortis audacia,
Laudabilis militia!.
Cui gladius scientia,
Cui lorica prudentia,
Galea sapientia;
Quibus iacent superbia.
Livor, gula, luxuria
Et mala quaevis alia.

2 a. Humilitate praevia,
Religione socia,
Regente patientia,
Devotionis gratia,
O, quam mira victoria
Triumphantis ad altia
Dei regna caelestia !

21). O, quam felix memoria
Relinquentis ad varia
Miraculorum bravia!
Omni sensu fulgentia
Reliquerat ; caius pia
Prece muniat gloria
Nos perenni virtus dia.