278 Acta Apostolicae'Sedis '-Commentarium Officiale

celebratio iucundam Nobis exhibet facultatem tibi de sacro munere diu

sollerterque gesto ex animo gratulandi eandemque faustitatem Nostra

auctoritate secundisque votis prosequendi. Ipse profecto novensilis sa-

cerdos, humanis divinisque litteris doctrinisque praeditus, animarum

studio succensus, copiosa grataque pollens facundia morumque suavitate

exornatus, sive verbo sive scripto, ad proximorum utilitatem profectum-

que omnes curas cogitationesque contulisti. Nullus sane Catholicae Actio-

nis campus vigilem sollicitudinem tuam desideravit, nulla fere pia salu-

t isque consociatio moderamine tuo vel consilio hortatuque caruit. Ho-

mines itaque omnis generis conditionisve, iuvenes praesertim, opifices

et populares alacrem tuam persenserunt industriam, quae quidem ad

animorum culturam fovendam, ad christianos mores perficiendos, ad

catholicam fidem illustrandam eandemque a fallaci adversariorum scien-

tia praeiudicatisque opinionibus vindicandam, ad quaestiones magni

ponderis de re morali et sociali per solvendas, ad reginam virtutum sive

caritatem Franciscali more inculcandam provehendamque firma constan-

tia omnique contentione conversa est. Veteres autem tui discipuli nun-

quam obliti sunt tuas doctrinae philosophicae explanationes, in quibus

gravitatem rerum formae venustate condire consueveras. Sed inter cete-

ras laudes eminet sane diuturna acrisque opera, quam Apostolicae huic

Sedi iugiter navasti, in primis apud Sacrum Consilium Ritibus tuendis,

complurium causarum patrocinium pro Servis Dei Beatisque efficaciter

sustinens, cum praesertim ad munus fuisti evectus, quod ab eo proxi-

mum est Generalis Promotoris Fidei, et cum deinceps hoc ipso officio

diligentissime perfunctus es. Interea haud pauca conscripsisti volumina,

quae, et rerum maiestate atque utilitate et styli ipsius nitore atque im-

petu, innumeros lectores ad Sanctorum Martyrumque virtutes et prae-

clara facinora imitanda fortiter pellexerunt, vel ad quaestiones sociales

secundum christiana praecepta intelligendas solvendasque exaeuerunt.

Postquam vero Decessor Noster ven. mem. Pius XI tibi, archiepiscopali

aucto honore, munus a Secretis apud Sacrum Consilium Propagandae

Fidei concredere voluit, ipse, regnum Christi dilatandi percupidus, sa-

cris Missionibus ac Pontificiis Operibus, quae a Fidei Propagatione atque

a Sancto Petro Apostolo nuncupantur, haud parva incrementa attulisti

et Institutum Missionarium apud Collegium Urbanum condendum consi-

lio operaque curavisti. Tot tamque clara erga Ecclesiam civilemque cul-

tum promerita idem Decessor Noster plane agnoscens, anno M C M X X X I I I

ad Cardinalis dignitatem te evexit atque in pectore reserva vit; deinde,

triennio nondum exacto, ad amplissimum Ecclesiae Senatum publice

cooptavit, ac postea Sacro Consilio Ritibus tuendis praefecit. Nos autem,