278 COMPENDIUM VITAE

numenta Martyrum sacrasque potissimum Apostolorum Principum exsuvias veneraturus. Tribus autem transactis diebus penes tem- plum sancti Ludovici Francorum nuncupatum, Romae ad mensem usque Maium permansit ; die quidem invisendo Martyrum sepul- cra , diversas circumiens Urbis sacras aedes , noctu vero manens ad Amphitheatrum Clavium, fidei christianae insigne monumentum.

Mense Maio insequenti Lauretanum Sanctuarium repetens , Fabriani consistit, et sancti Romualdi corpus Camaldulensium fundatoris singulari pietate visitavit. Ibi Benedicti sanctimonia ita effulsit, ut pientissima quaedam Matrona ad visendam mulie- rem quamdam infirmam instanter eum compulerit. Quae statim ac intuita peregrinum lacera veste indutum , cingulo ad lumbos di- strictum , Crucifixi [imaginem praeseferentem et Rosarium ad col- lum appensum, nudipem domum ingredientem, etsi antea spiritus angoribus quam maxime oppressa, mirabiliter recreata est. Eam dein suavibus verbis Beatus Dei famulus allocutus , secreta animi sui pandidit , quae nonnisi ope divini luminis internoscere potuerat. Inde modico cibo refectus , grati animi ergo divino spi- ritu plenus scriptam reliquit percelebrem illam orationem quae in- cipit: Iesus Christus Rex gloriae venit in pace etc.: quam ad divinam miserationem impetrandam perutilem fore praedixit: quod primo Fabrianenses experti sunt saeviente praesertim terraemotu anno 1781.

Aliis quoque per viam Sanctuariis invisis, Deiparae aedem denuo adivit mense Septembri insequentis anni. Ibi quum pietatis suae votis in Iesum eiusque sanctissimam Matrem satisfecisset, Neapolim versus progressus est. Qua in peregrinatione magno fer- voris affectu in Tolentinate ac Barense Cathedrali utriusque Nico- lai sepulcra est veneratus. Idibus Februarii anni eiusdem Neapoli subsistebat, ubi diu preces effudit penes aram sancti Ianuarii Epi- scopi. Decimo sexto kalendas Martias Neapoli Romam rursus iter coepit, quo in itinere eius devotionem Cassinense Caenobium non effugit. Roma decedens tertio Lauretum profectus est. Varia de- inde nec sane facilia expertus est itinera Dei Famulus. Quippe pari semper religione Tusciae Sanctuaria perlustravit , et ad sa- crum praecipue Alverniae montem perrexit , quod in Franciscum Assisinatem speciali devotionis affectu ferebatur.

Ex Italica dein regione egressus, Hispaniarum templa divino cultu celebriora adeunda peroptavit. Ad Cathedralem in primis Compostellana»! se contulit, deinde ad Beatae Virginis Montis-