279. De sancto Ottone.

1. O Ierusalem superna,

Pace fruens sempiterna,

Tu de lapidibus vivis

Deo vivo construezis.

2. Nec malleus nec securis

In tuis auditur muris,

Sed expoliti lapides

Sunt electi, quos contines.

8. Malleos percussionum

Perfert vita electorum,

Quamdiu sub carne gemit,

Dum virtutibus proficit.

4. Qui virtutum profectibus

Ascendunt quasi per gradus

Ad te, sancta Ierusalem,

Omnium credentium matrem.

5. Illic manu artificis

In suis ponuntur locis

Pusilli cum maioribus,

Senes cum iunioribus.

6. Civitas gaudiis plena,

Non eges sole nec luna,

Quam lumen illustrat verum

Per saecula saeculorum.

7. Corpore mortis exutas

Tute suscipis animas,

Quas sinu quietis foves,

Consolatione mulces.

8. In tua sede locata

Gaudeat felix anima

Pii praesulis Ottonis,

Omnibus ditata bonis.

9. O proceres angelici,

Ministri regis aeterni,

In vestro contubernio

Laetetur pontifex Otto.

10. O patriarcbae praecelsi,

O propbetae Deo pleni,

Concivis et domesticus

Vester sit Otto beatus.

11. O cohors apostolorum,

Tenens orbis principatum,

Tecum tripudiet pius

Otto, vir apostolicus.

12. Martyrio candidati,

Athletae invictissimi,

In regno Christi vobiscum

Exsultet Otto per aevum.

13. O beati pontifices,

O confessores illustres,

Sit vobis associatus

Pius Otto episcopus.

14. Alma chorea virginum,

Candida sicut lilium,

Tecum floreat in aevum

Praesul Otto ante Deum.

15. O civitas Dei summi,

Sedes regni perpetui.

Cives tui universi

Pio faveant Ottoni.

16. Ex filiis tuis multos

Habet hic praesul patronos,

Sub quorum patrocinio

Struxit ecclesias Christo.

17. Dat primitias votorum

Tibi, Laurenti, suorum

Otto praesul ecclesia

In Vrangia constructa.

18. Et tibi, sancte Georgi,

Devote coepit obsequi

Otto condens ecclesiam

Prope urbem Ratisponam.

19. Te, Petre, princeps pastorum,

Otto habeat patronum,

Per quem tibi est constructum

In Uraha coenobium.

20. Ottonem Christo commenda,

Iohannes evangelista,

Cui est ab eo constructa

In Vicbiluelt ecclesia.

21. O Iacobe apostole,

Ottoni praesuli fave,

Qui apud Enstorf condidit

Cellam, quam tibi dicavit.

22. Ottoni faveto pia,

Dei genetrix Maria,

A quo tibi est constructum

In Lancheim monasterium.

23. Tibi, o regina caeli,

Devotione fideli

Otto dicavit optimum

Apud Biburc coenobium.

24. Is tibi Windebergensem

Donavit possessionem,

Qui adunavit ibidem

Cleri congregationem.

25. Otto per Dei gratiam

Ornavit sedem propriam,

Addens ei abbatiam

In Madelhardestorf sitam.

26. Otto, satagens augere

Decus ecclesiae suae,

Addit illi ad honorem

Cellam Monasteriensem.

27. Reginstorf Bambergensi

Otto acquisivit sedi,

Quem locum regularium

Constat esse clericorum.

28. Halesprunnen monachorum

Construxit habitaculum

Tibi, o virgo virginum,

Parans ille obsequium.

29. In honorem sancti Petri

Alterspach fecit construi,

Qui locus est delegatus

Clericis regularibus.

30. Aspach et Clunich geminas

Suae sedi addit cellas,

Unam beati Matthaei,

Alteram Andreae sancti.

31. In Arnoldesteine structam

Sancto Georgio cellam

Praesul venerandus Otto

Suo dat episcopio.

32. In Vezera quasi stellam

Otto pius construxit cellam,

Quam dedicavit in honore

Dei genetricis Mariae.

33. In monte sancti Michaelis

Cellam construxit sanctae

Fidis,

Exceptis habitaculis

Longe vel prope positis.

34. In his locis Otto pius,

Plenus bonis operibus,

Domino cottidianum

Praeparavit obsequium.