S. B. IOSEPHI LABRE 279

Serrati Sanctuarium, nec non percelebre Manresae specum. In Ita- liam reversus , Lauretana aede denuo breviter revisa, Romam re- divit anno 1774, ex qua non multo post discessit, peregrinationem longe laboriosam suscepturus. Peragratis enim Tusciae* et Aemi- liae regionibus, in Germaniam quoque se transvexit. Et gens Hel- vetica Dei famulum illustriora regionis suae Sanctuaria invisentem demirata est, inter quae insigne Beatae Mariae Virginis Einseldense. Verum solemni indicto Iubilaeo a Summo Pontifice Pio VI anno 1775 Romam mature remeavit sacras Indulgentias lucraturus.

Anno vero insequenti Helveticam regionem reversus est , non omissa iter faciendo visitatione Almae Domus Lauretanae. Tandem plurimis aliis absolutis peregrinationibus, anno .1777 Urbem repe- tii t , ubi usque ad obitum moratus est , etsi quolibet anno Laure- tum se conferre aliasque per propinquas urbes peregrinationes agere haud praetermiserit , ubique sanctimoniae suae non indubia vesti- gia relinquens.

Tot vero ac sane laboriosa itinera beatus Benedictus perfecit eadem semper obsoleta ac lacera veste, aestivo pariter ac hiemali tempore confectus: aliquando sub porticibus, aliquando sub diu bre- vem humi somnum carpebat. Quod si ex paupertatis et squaloris eius aspectu eleemosynae titulo stipem aliquando reciperet, aliis indigentibus libenter erogabat. Durissimi panis fragmentis, proie- ctis per viam oleribus et brassicarum tyrsis, aut aliorum fructuum corticibus sibi comparatis famis inediam relevabat, neque precibus adduci umquam potuit, ut latiuscule aliquando et salubri aliquo cibo reficeretur. Brevi: ita vias duras poenitentiae custodivit, ut sua fa- cere merito posset Psaltis verba: a Induebar editio, humiliabam in ieiunio animam meam, et oratio mea in sinu meo convertetur ».

Macie confectus, squalore obsitus, si forte fastidiose reiiciebatur aut ludibriis, contumeliis a procaci petebatur plebecula, commoveri numquam visus fuit: immo quidquid irrisionum, quidquid iniuria- rum sibi irrogabatur , laetus et hilaris perferebat. Maximam diei partem in templis transigebat vel ante imaginem Genitricis Dei , quam ut Matrem suam tenerrimo cordis affectu prosequebatur, ge- nuflexus diu manebat. Et quo pietatis suae sensa Deiparae ferven- tius aperiret in templum Sanctae Mariae ad Montes quotidie sese recipiebat, eamque devote precabatur ; animo siquidem suo plane volvebat illud divinae sapientiae effatum , quod de Virgine canit Ecclesia: u Beatus qui vigilat ad fores meas quotidie, et observat ad postes ostii mei ».